ໂຈອາວ ຟີລິກ ເປີດໃຈວ່າຢາກຫລິ້ນໃຫ້ ບາເຊໂລນາ ຕັ້ງແຕ່ນ້ອຍ ຖ້າເກີດຂຶ້ນໄດ້ ຖືວ່າຝັນກາຍເປັນຄວາມຈິງ

ໂຈອາວ ຟີລິກ ເປີດໃຈວ່າຢາກໄປຫລິ້ນໃຫ້ ບາເຊໂລນາ ທີ່ສຸດ ແລະ ບອກວ່າພ້ອມຢາກໃສ່ເສື້ອ “ບາເຊໂລນາ” ຕັ້ງແຕ່ຍັງນ້ອຍ.

ອະນາຄົດຂອງ ຟີລິກ ກັບ ແອດເລຕີໂກ ມາດຣິດ ເຕັມໄປດ້ວຍຄວາມມືດມົນໃນໄລຍະສອງສາມເດືອນຜ່ານມາ. ຫລັງຈາກທີ່ເຊື່ອວ່າລາວມີບັນຫາກັບ ດີໂກ ຊິມີໂອເນ ຄູຝຶກຂອງທີມ. ໂດຍໃນເຄິ່ງທີ່ສອງຂອງລະດູການທີ່ຜ່ານມາ, ລາວຕ້ອງຕັດສິນໄປຫລິ້ນກັບ ເຊວຊີ ໃນສັນຍາຢືມໂຕ. ກ່ອນທີ່ຈະຕ້ອງກັບຄືນໄປ ແອດເລຕີໂກ ມາດຣິດ, ເຊິ່ງຈົນເຖິງປັດຈຸບັນຍັງບໍ່ຊັດເຈນວ່າເສັ້ນທາງຂອງລາວຈະເປັນແນວໃດຕໍ່ໄປ.

ຟີລິກ ເວົ້າວ່າ: “ຂ້ອຍຢາກຫລິ້ນໃຫ້ ບາເຊໂລນາ ຫລາຍ ບາເຊໂລນາ ເປັນທາງເລືອກທໍາອິດຂອງຂ້ອຍ. ແລະ ຂ້ອຍກໍ່ຢາກໄປ ບາຊ່າ, ຂ້ອຍຝັນຢາກໄປຫລິ້ນຢູ່ທີ່ນັ້ນຕັ້ງແຕ່ຂ້ອຍຍັງນ້ອຍ. ຖ້າມັນເປັນໄປໄດ້, ມັນຈະເປັນຄວາມຝັນທີ່ເປັນຈິງສໍາລັບຂ້ອຍ.”