ຊອນ ເຮືອງ ມິນ ເຜີຍອະນາຄົດກັບ ສະເປີ ຫລັງໄດ້ຮັບຂໍ້ສະເໜີທີມຈາກຊາອຸ

ຊອນ ເຮືອງ ມິນ ກອງໜ້າເກົາຫລີໃຕ້ຂອງ ທອດແນມ ຮັອດສະເປີ ເປີດປາກຢືນຢັນດ້ວຍໂຕເອງແລ້ວວ່າ ຈະບໍ່ຍ້າຍໄປຫລິ້ນໃຫ້ໃນ Saudi Pro League ໃນຊ່ວງໜ້າຮ້ອນນີ້ແຕ່ຈະສືບຕໍ່ສຸມໃສ່ການສ້າງຜົນງານຂອງລາວຢູ່ທີ່ ສະເປີ ພາຍໃຕ້ການຄູມທີມຂອງຜູ້ຈັດການຄົນໃຫມ່ ອັນເກ້ ປອສເຕໂຄກູ.

ຫົວຫອກຂອງພະລັງງານໂສມ ຫລິ້ນໄດ້ຢ່າງໜ້າຜິດຫວັງຕະຫລອດລະດູການທີ່ຜ່ານມາ. ດ້ວຍການເປັນດາວຊັນໂວຮ່ວມຂອງ ພຣີເມຍລີກ ປີກ່ອນ, ມາເຫລືອພຽງ 14 ປະຕູຈາກການລົງຫລິ້ນ 47 ນັດໃນທຸກການແຂ່ງຂັນ.

ດ້ວຍຟອມທີ່ຫລຸດ​ລົງ​ ບວກກັບອາຍຸທີ່ມາຮອດ 31 ປີ ແລະ ໄດ້ຢູ່ໃນບານເຕະໃນລອນດອນເປັນເວລາ 8 ປີແລ້ວ, ເຮັດໃຫ້ສະໂມສອນເງິນຖັງຂອງ ຊາອຸ ພະຍາຍາມດຶງຕົວໄປເສີມທັບ ດ້ວຍຄ່າຈ້າງສູງ ເຊັ່ນດຽວກັບຄ່າໂຕທີ່ຈະຈ່າຍໃຫ້ ສະເປີ ກໍ່ບໍ່ຫນ້ອຍ.