ເດືອນມິຖຸນາ 2023 ທົ່ວປະເທດມີອຸບັດຕິເຫດເກີດຂຶ້ນ 459 ລາຍ ແລະ ເສຍຊີວິດ 55 ຄົນ

ກົມຕຳຫລວດຈະລາຈອນ, ກົມໃຫຍ່ຕຳຫລວດ ກະຊວງປ້ອງກັນຄວາມສະຫງົບ (ປກສ) ລາຍງານໃຫ້ຮູ້ວ່າ: ໃນເດືອນມິຖຸນາ 2023 ນີ້ ທົ່ວປະເທດມີອຸບັດຕິເຫດເກີດຂຶ້ນທັງໝົດ 459 ລາຍ, ທຽບໃສ່ໄລຍະດຽວກັນຂອງປີຜ່ານມາຫລຸດລົງ 23 ລາຍ, ພາຫະນະເປ່ເພ 809 ຄັນ, ຫລຸດລົງ 37 ລາຍ, ຄົນໄດ້ຮັບບາດເຈັບ 678 ຄົນ ຍິງ 260 ຄົນ, ຫລຸດລົງ 29 ຄົນ, ເສຍຊີວິດ 55 ຄົນ ຍິງ 17 ຄົນ,ຫລຸດລົງ 8 ຄົນ.

ສະເພາະນະຄອນຫລວງວຽງຈັນ ມີອຸບັດເຫດເກີດຂຶ້ນ 93 ລາຍ, ເພີ່ມຂຶ້ນ 5 ລາຍ, ພາຫະນະເປ່ເພ 189 ຄັນ, ເພີ່ມຂຶ້ນ 20 ຄັນ, ຄົນໄດ້ຮັບບາດເຈັບ 117 ຄົນ, ເພີ່ມຂຶ້ນ 14 ຄົນ, ຄົນເສຍຊີວິດ 9 ຄົນ, ຫລຸດລົງ 4 ຄົນ, ສາເຫດຂອງການເກີດອຸບັດຕິເຫດ: ດື່ມເຫລົ້າ, ໃຊ້ຄວາມໄວເກີນ, ບໍ່ປ່ອຍສິດ, ປ່ຽນທິດທາງເດີນ ແລະ ອື່ນໆ. ແຂວງທີ່ເກີດອຸບັດເຫດຫລາຍກວ່າໝູ່ແມ່ນນະຄອນຫລວງວຽງຈັນ, ແຂວງຈຳປາສັກ, ແຂວງວຽງຈັນ ແລະ ແຂວງສະຫວັນນະເຂດ, ແຂວງຫລວງພະບາງ ແລະ ແຂວງຫລວງນໍ້າທາ. ແຂວງທີ່ມີຄົນເສຍຊີວິດຫລາຍກວ່າໝູ່ແມ່ນນະຄອນຫລວງວຽງຈັນ ແລະ ແຂວງສະຫວັນນະເຂດ.