ສະໂມສອນ ຊາອຸດິອາຣະເບຍ ພ້ອມຈ່າຍຄ່າເມື່ອຍ 25 ລ້ານປອນ ດຶງ ບຸບຟອນ

ສະໂມສອນໃນຊາອຸດິ ອາຣະເບຍ ຍື່ນຂໍ້ສະເໜີມະຫາສານຫວັງດຶງຕົວ ຈານລຸຍຈິ ບຸບຟອນ ຜູ້ຮັກສາປະຕູຊາວອິຕາລີ ອາຍຸ 45 ປີ ໄປເຝົ້າເສົາໃນຕາເວັນອອກກາງ.

ບຸບຟອນ ຜູ້ຮັກສາປະຕູດາວຄ້າງຟ້າ ເຊິ່ງຫລິ້ນບານເຕະອາຊີບມາຕັ້ງແຕ່ປີ 1995 ແລະ ປັດຈຸບັນຍັງຫລິ້ນຢູ່ກັບ ປາມາ ໃນບານເຕະ ເຊເຣຍ ບີ ອິຕາລີ ໂດຍລະດູການຜ່ານມາມີບັນຫາບາດເຈັບລົງສະໜາມໃຫ້ທີມໄປພຽງ 17 ນັດ ແລະຍັງເຫລືອສັນຍາກັບທີມອີກ 12 ເດືອນ.

ຫລ້າສຸດ ຄໍຣິເອໂລ ເດລໂລ ສະປອດ ລາຍງານວ່າ : ບຸບຟອນ ໄດ້ຮັບຂໍ້ສະເໜີທີ່ສູງຫລາຍສຳນັກເຕະອາຍຸໃກ້ 50 ປີ ໂດຍ ສະໂມສອນໃນຊາອຸດິອາຣະເບຍ ຍື່ນຂໍ້ສະເໜີຄ່າເມື່ອຍປີລະ 25 ລ້ານປອນ ສຳລັບການດຶງ ບຸບຟອນ ໄປຫລິ້ນບານເຕະອາຊີບລະດູທີ 28.