ເຊວຊີ ພ້ອມຍື່ນ 50 ລ້ານປອນ ເພື່ອຂໍຊຶ້ ໄຄເຊໂດ້ ຮ່ວມທີມ ຫລັງຂາຍນັກເຕະໄດ້ 200 ລ້ານປອນ

ໜັງສືພິມ London Evening Standard ລາຍງານວ່າ ເຊວຊີ ມີຄວາມຕັ້ງໃຈທີ່ຈະເພີ່ມການສະເໜີລາຄາຂອງພວກເຂົາສໍາລັບ ມອຍເຊສ ໄຄເຊໂດ້ ປະມານ 80 ລ້ານປອນ, ເຊິ່ງເພີ່ມຂຶ້ນຈາກເດີມປະມານ 20 ລ້ານປອນ.

ໄຄເຊໂດ້ ໄດ້ດຶງດູດຄວາມສົນໃຈຂອງຫລາຍໆທີມທີ່ມີຊື່ສຽງໃນເກາະອັງກິດ. ຫລັງຈາກທີ່ເຂົາເຮັດຜົນງານໄດ້ຢ່າງປະທັບໃຈກັບ ໄບຣຕັນ, ໂດຍກ່ອນໜ້ານີ້ເຊວຊີ ເຄີຍຍື່ນຂໍ້ສະເໜີ 60 ລ້ານປອນ ແຕ່ຖືກປະຕິເສດເກືອບທັນທີ.

ຢ່າງໃດກໍຕາມ, ເຊວຊີ ຍັງບໍ່ຍອມແພ້ຕໍ່ນັກເຕະອາຍຸ 21 ປີ ແລະ ກຽມທີ່ຈະສະເຫນີລາຄາອີກຮອບ. ໃນປັດຈຸບັນພວກເຂົາມີເງິນຫລາຍຂຶ້ນ. ຫລັງຈາກທີ່ປ່ອຍນັກເຕະຫລາຍຄົນ. ລວມເຖິງກໍລະນີຂອງ ເມສັນ ເມົ້າ ທີ່ຕົກລົງຂາຍໃຫ້ກັບ ແມນເຊັສເຕີ ຢູໄນເຕັດ ຮຽບຮ້ອຍແລ້ວ ເຊິ່ງຈະເຮັດໃຫ້ ເຊວຊີ ໄດ້ເງິນເພີ່ມອີກຈາກການຂາຍນັກເຕະໃນຊ່ວງຊຳເມີນີ້ 200 ລ້ານປອນ.