ການວິໄຈຫລ້າສຸດເຜີຍ ອັດຕາການຕັດໄມ້ທໍາລາຍປ່າເພີ່ມສູງຂຶ້ນ ເຖິງວ່າປະຊາຄົມໂລກຈະໃຫ້ຄຳໝັ້ນແກ້ໄຂບັນຫານີ້ຮ່ວມກັນ

ການວິໄຈຫລ້າສຸດເປີດເຜີຍວ່າ: ອັດຕາການຕັດໄມ້ທໍາລາຍປ່າເພີ່ມສູງຂຶ້ນຫລາຍ ເຖິງວ່າຫລາຍປະເທດໃນປະຊາຄົມໂລກຈະໃຫ້ຄຳໝັ້ນແກ້ໄຂບັນຫານີ້ຮ່ວມກັນ ໂດຍເນື້ອທີ່ປ່າໄມ້ປະມານ 41.200 ຕາກິໂລແມັດ ໄດ້ຮັບຄວາມເສຍຫາຍຈາກບັນຫາການຕັດໄມ້ທໍາລາຍປ່າໃນປີ 2022.

ອັດຕາການຕັດໄມ້ທໍາລາຍປ່າຍັງເພີ່ມສູງຂຶ້ນ ໂດຍເນື້ອທີ່ປ່າໄມ້ຂະໜາດເທົ່າກັບສະໜາມບານເຕະ 11 ສະໜາມຖືກທໍາລາຍລົງໃນທຸກໆ 1 ນາທີໃນປີຜ່ານມາ ໂດຍເບຣຊິນຖືເປັນໜຶ່ງໃນປະເທດທີ່ສູນເສຍເນື້ອທີ່ປ່າໄມ້ຫລາຍທີ່ສຸດ. ຂະນະທີ່ສະຖານະການຢູ່ອິນໂດເນເຊຍພັດດີຂຶ້ນພາຍໃນໄລຍະເວລາອັນສັ້ນ.

ທັງນີ້, ຜູ້ນໍາ ແລະ ຜູ້ແທນປະເທດຕ່າງໆ ເຄີຍໃຫ້ຄໍາໝັ້ນສັນຍາວ່າຈະຮ່ວມມືກັນຢຸດບັນຫານີ້ຢ່າງຈິງຈັງພາຍໃນກອງປະຊຸມ COP26 ທີ່ຈັດຂຶ້ນໃນສະກອດແລນ, ອັງກິດ ໃນທ້າຍປີ 2021 ໂດຍປະຊາຄົມໂລກເຫັນພ້ອມຈະຢຸດ ແລະ ຟື້ນຟູເນື້ອທີ່ປ່າ ແລະ ທີ່ດິນເສື່ອມໂຊມພາຍໃນປີ 2030 ເຊິ່ງສະຖິຕິທີ່ເກີດຂຶ້ນອາດເຮັດໃຫ້ການປະຕິບັດຕາມເປົ້າໝາຍດັ່ງກ່າວເປັນໄປໄດ້ຍາກຍິ່ງຂຶ້ນ.

ທັງນີ້, ປີ 2022 ເບຣຊິນສູນເສຍເນື້ອທີ່ປ່າດຶກດໍາບັນຫລາຍທີ່ສຸດເຖິງ 11 ລ້ານໄລ່, ຮອງລົງມາແມ່ນຄອງໂກ 3,2 ລ້ານໄລ່, ໂບລິເວຍ 2,4 ລ້ານໄລ່, ອິນໂດເນເຊຍ 1,4 ລ້ານໄລ່, ເປຣູ 1 ລ້ານໄລ່ ແລະ ໂກລອມເບຍ 8 ແສນໄລ່.

ອ້າງອີງ:

www.bbc.com/news/science-environment-66013854

http://edition.cnn.com/…/rainforest-deforestation…

http://www.aljazeera.com/…/forest-decline-surges…