ສົງຄາມເຈົ້າພໍ່ອອນລາຍ! ອີລອນ ມັສ ທ້າສູ້ ມາກ ຊາກເກີເບີກ ກ່ອນອີກຝ່າຍ ຕອບ ສົ່ງໂລເຄຊັນມາເລີຍ
ກາຍເປັນເລື່ອງຫນ້າສົນໃຈໃນທັນທີເມື່ອມີລາຍງານວ່າສອງເຈົ້າພໍ່ທີ່ຄວບຄຸມສື່ສັງຄົມ, ອີລອນ ມັສ ຂອງ ທະວິດເຕີ້ ແລະ ມາກ ຊາກເກີເບີກ ຂອງເຟສບຸກ, ກໍາລັງຈະປະເຊີນຫນ້າກັບກັນໃນເວທີກົງເຫລັກ.
ເລື່ອງມີຢູ່ວ່າ ອີລອນ ມັສ ໄດ້ລີທະວິດ ທີ່ລະບຸວ່າເຟສບຸກພາຍໃຕ້ການເບິ່ງແຍງຂອງ ຊາກເກີເບີກ ອາດຈະກຳລັງຄິດສ້າງສື່ສັງຄົມແບບໃຫມ່ທີ່ຈະກາຍມາເປັນຄູ່ແຂ່ງກັບ ທະວິດເຕີ້, ເຊິ່ງນັ້ນເຮັດໃຫ້ ມັສ ຮູ້ສຶກວ່າເຂົາກໍາລັງພະຍາຍາມຄວບຄຸມຊີວິດຂອງຄົນໃນສື່ສັງຄົມໄວ້ໃນມືອີກຄັ້ງ.
ຈົນມີຜູ້ໃຊ້ ທະວິດເຕີ້ ຄົນຫນຶ່ງໄດ້ສະແດງຄໍາຕອບຕໍ່ ອີລອນ ມັສ ວ່າ “ລະໃຫ້ດີເພາະວ່າ ຊາກເກີເບີກ ລາວກຳລັງຝຶກວິຊາ Jiu-Jitsu ຢູ່” ເຊິ່ງລາວກໍ່ໄດ້ຕອບວ່າພ້ອມທີ່ຈະພົບ “ຂ້ອຍພ້ອມທີ່ຈະຕໍ່ສູ້ກັບລາວໃນກົງເຫລັກ ຖ້າລາວນຶກຢາກເອົາຈິງ”
ຫລັງຈາກນັ້ນ, ມາກ ຊາກເກີເບີກ ທີ່ໄດ້ເຫັນຄຳທ້າທາຍຂອງອີກຝ່າຍ ກໍ່ຕອບຜ່ານ Instagram ວ່າ “ສົ່ງສະຖານທີ່ຂອງເຈົ້າມາເລີຍ” ແລະ ອີລອນ ມັສ ກໍ່ສົ່ງທີ່ຢູ່ໃຫ້ຕາມຄໍາຂໍ. ພ້ອມບອກວ່າລາວໄດ້ກຽມທ່າພິເສດລໍຖ້າແລ້ວ, “ມາພົບກັນທີ່ Vegas Otagon.”
ບໍ່ຮູ້ວ່າເປັນພຽງການຢອກກັນຫລິ້ນບໍ່ລະຫວ່າງສອງເຈົ້າພໍ່ສື່ສັງຄົມໃນຍຸກປະຈຸບັນ ຫລື ເອົາແທ້? ແຕ່ສິ່ງທີ່ເກີດຂຶ້ນເຮັດໃຫ້ຊາວເນັດທີ່ໃຊ້ທັງ Facebook ແລະ Twitter ຮູ້ສຶກຕື່ນເຕັ້ນຫລາຍ.
