ກ້ວຍຕົ້ມ ຂອງວ່າງຫລຸດນໍ້າໜັກ ຄວບຄຸມຄວາມດັນເລືອດ

ໝາກກ້ວຍເປັນໝາກໄມ້ທີ່ຖືກແນະນໍາເປັນເມນູຫລຸດນໍ້າໜັກໄດ້ດີ ແຕ່ນອກຈາກຊ່ວຍຫລຸດນໍ້າໜັກແລ້ວກໍຍັງໃຫ້ຄຸນຄ່າທາງສານອາຫານອື່ນໆອີກຫລາຍຢ່າງ ແລະ ຍັງເປັນໝາກໄມ້ທີ່ຖືກນໍາມາເຮັດເປັນເຂົ້າໜົມໄດ້ຫລາຍເມນູອີກດ້ວຍ

.

ນອກນັ້ນຍັງສາມາດນໍາມາຕົ້ມເພື່ອເປັນເມນູຫລຸດນໍ້າໜັກໄດ້ດີ ເຊິ່ງກ້ວຍທີ່ນິຍົມນໍາມາຕົ້ມນັ້ນຈະເປັນກ້ວຍນໍ້າ ທີ່ມີແຄລໍຣີ່ສູງເຖິງ 60cal. ແລະ ຍັງມີນໍ້າຕານ 3 ຊະນິດຄື:​ ຊູໂຄຣສ, ຟຣຸດໂຕສ ແລະ ກຣູໂຄສ, ດັ່ງນັ້ນ ການກິນໝາກກ້ວຍນໍ້າແບບຕົ້ມ ຈະເຮັດໃຫ້ເຮົາໄດ້ຮັບນໍ້າຕານໜ້ອຍກວ່າການກິນແບບດິບ

.

ເຊິ່ງປະໂຫຍດຂອງກ້ວຍນໍ້າມີດັ່ງນີ້:

– ມີສານຕ້ານອະນຸມູນອິດສະລະ, ຊ່ວຍຕ້ານ ແລະ ຫລຸດຄວາມສ່ຽງການເກີດມະເຮັງໄດ້ເປັນຢ່າງດີ

– ຊ່ວຍໃນເລື່ອງການນອນຫລັບ ເພາະໃນກ້ວຍນໍ້າມີ ທຣິບໂຕເຟັນ ເຊິ່ງເປັນກຣົດທີ່ຊ່ວຍກະຕຸ້ນການສ້າງສານເຊໂຣໂທນິນ ເຮັດໃຫ້ນອນຫລັບງ່າຍຂຶ້ນ

– ຊ່ວຍໃຫ້ຮູ້ສຶກສະຫງົບ, ຜ່ອນຄາຍ ແລະ ຫລຸດບັນຫາເລື່ອງຊຶມເສົ້າ

– ຫລຸດຄວາມດັນເລືອດສູງ ເຊິ່ງໃນກ້ວຍນໍ້າມີໂພແທັສຊຽມໃນປະລິມານທີ່ເໝາະສົມ ທີ່ຊ່ວຍຄວບຄຸມຄວາມດັນໃຫ້ສົມດຸນ

– ຖ້າເປັນກ້ວຍເຫີ່ມຈະຊ່ວຍຫລຸດນໍ້າໜັກ ເພາະມີນໍ້າຕານໜ້ອຍກວ່າກ້ວຍສຸກ ແລະ ຍັງອຸດົມໄປດ້ວຍໄຟເບີ້ທີ່ຊ່ວຍໃຫ້ອີ່ມທ້ອງໄດ້ດົນ ເຮັດໃຫ້ຂັບຖ່າຍສະດວກຂຶ້ນ, ນອກຈາກນັ້ນຍັງມີທາດແປ້ງທີ່ທົນທານຕໍ່ການຍ່ອຍ ທີ່ເອີ້ນວ່າ Resistant Starch ເຊິ່ງເປັນແປ້ງທີ່ມີລັກສະນະເສັ້ນຍາວ ທີ່ບໍ່ຄ່ອຍຖືກຍ່ອຍໃນລໍາໄສ້ນ້ອຍ ເມື່ອໄປຮອດລໍາໄສ້ໃຫຍ່ຈຶ່ງກາຍເປັນອາຫານຂອງຈຸລິນຊີໃນລໍາໄສ້ ຈຶ່ງເຮັດໃຫ້ຮ່າງກາຍໄດ້ຮັບປະລິມານພະລັງງານຈາກອາຫານໜ້ອຍກວ່າປົກກະຕິ ເລີຍຊ່ວຍໃນການຄວບຄຸມນໍ້າໜັກ, ຫລຸດຄວາມສ່ຽງໃນການເກີດພະຍາດຫົວໃຈ, ເບົາຫວານ ແລະ ສ້າງຄວາມເຂັ້ມແຂງໃຫ້ເຊວໃນລໍາໄສ້ອີກດ້ວຍ

.

ຂໍ້ມູນຈາກ healthline