ມອບລົດຈັກ 3 ຄັນທີ່ຖືກໂຈນລັກໄປ ຄືນໃຫ້ເຈົ້າຂອງເດີມ

ພະແນກຕໍາຫຼວດ ປກສ ເມືອງປາກຊັນ ແຂວງບໍລິຄໍາໄຊ ລາຍງານໃຫ້ຮູ້ວ່າ: ວັນທີ 19 ມິຖຸນາ 2023 ຜ່ານມາ ໄດ້ມອບ-ຮັບ ລົດຈັກ ຈຳນວນ 3 ຄັນທີ່ຖືກຄົນຮ້າຍລັກໄປຄືນໃຫ້ເຈົ້າຂອງເດີມ .

ລົດ 3 ຄັນ ແມ່ນຢຶດໄດ້ຈາກຄົນຮ້າຍ 2 ຄົນ ວັນທີ່ 08 ມິຖຸນາ 2023 ພາຍຫລັງທີ່ໄດ້ຮັບແຈ້ງຈາກຜູ້ເສຍຫາຍໃນວັນທີ 31 ພຶດສະພາ  ເຈົ້າໜ້າທີ່ວິຊາສະເພາະໃຫ້ຮູ້ວ່າ: ໃນຄັ້ງວັນທີ 31 ພຶດສະພາ 2023.

ຄົນຮ້າຍ 2 ຄົນ  ຮັບສາລະພາບວ່າໄດ້ຮ່ວມກັນເຄື່ອນໄຫວລັກລົດຈັກມາແລ້ວ 3 ຄັ້ງ, ໄດ້ລົດຈັກຈໍານວນ 3 ຄັນແລ້ວນໍາໄປຂາຍໃຫ້ຜູ້ຮ່ວມຂະບວນການນໍາກັນ ສ່ວນເງີນທີ່ໄດ້ມາແຕ່ລະຄັ້ງແມ່ນນໍາໄປໃຊ້ຈ່າຍຫຼິ້ນກິນຟູມເຟືອຍຈົນໝົດ ສ່ວນລົດຈັກຈໍານວນ 3 ຄັນທີ່ເຈົ້າໜ້າເກັບກູ້ລົດຈັກໄດ້ ໄດ້ແຈ້ງເຖິງຜູ້ເປັນເຈົ້າຂອງລົດນໍາເອົາເອກະສານທີ່ກ່ຽວຂ້ອງມາແຈ້ງຕໍ່ເຈົ້າໜ້າທີ່ ແລະ ໄດ້ມອບ-ຮັບ ຄັນຄືນໃຫ້ເຈົ້າຂອງຢ່າງຖືກຕ້ອງຕາມກົດໝາຍ.