ການເຮັດບຸນສົງການ

ກ່ອນຮອດມື້ຂຶ້ນ 15ຄໍ່າ ເດືອນ 5, ພໍ່ບ້ານ ສາລະວັດເຖົ້າ ແກ່ແນວໂຮມ ຈະປ່າວເຕືອນປະ ຊາລາຊະດອນໄປເຕົ້າໂຮມກັນ ຢູ່ວັດເພື່ອເຮັດບຸນສົງນໍ້າພະຄື ໃນເຊົ້າມື້ 15 ຄໍ່ານັ້ນ, ທາງວັດ ເພິ່ນກໍຈະຕີລະຄັງຫຼືຕີກອງເພື່ອ ຮຽກເອົາປະຊາຊົນ ມາໂຮມຊຸມ ນຸມກັນຢູ່ວັດ, ແລ້ວໄດ້ອັງເຊີນ ເອົາພະພຸດທະຮູບລົງໄປປະດິດ ສະຖານໄວ້ທີ່ໂຮງທໍາຫຼືໜ້າໂບດໜ້າສິມ ແລະ ຫໍສົງພະທີ່ເພິ່ນ ຈັດໄວ້ສະເພາະແລ້ວເອົານໍ້າອົບນໍ້າຫອມທີ່ໄດ້ຈັດກຽມໄປນັ້ນຕັ້ງໄວ້ຕໍ່ໜ້າຂອງໃຜລາວພ້ອມກັນ ກ່າວຄໍາບູຊາດອກໄມ້ໄຫ້ວພະ ສັກເຄເທວະດາ ແລ້ວຕັ້ງຈິດອະ ທິຖານຂໍພອນເພື່ອຄວາມຢູ່ເຢັນ ເປັນສຸກ, ຄວາມລໍ້າລວຍ ຫຼືຄວາມ ເປັນສີລິມຸງຄຸນ ແລ້ວກໍເອົານໍ້າອົບ ນໍ້າຫອມນັ້ນຫົດສົງພະພຸດທະຮູບ, ນໍ້າທີ່ຢາດລົງ ມາຈາກຮາງ ສົງພະນັ້ນເພິ່ນຖືວ່າເປັນນໍ້າສັກ ສິດຈຶ່ງໄດ້ພາກັນເອົາຂັນໂຕ່ງເອົາ ໄປຕົບ ໃສ່ຫົວລູກຫຼານ, ຊິດໃສ່ ເຮືອນຊານໄຮ່ນາ ຮົ້ວສວນພ້ອມ ລົດລາພາຫະນະ, ເພື່ອຄວາມຢູ່ ດີກິນດີ, ຢູ່ດີມີແຮງເຮັດອັນໃດ ກໍຈະຄໍ້າຄູນ.

ມື້ຕໍ່ມາ, ເວລາ 3-4 ໂມງ ແລງເຖົ້າແກ່ອາວຸໂສ ແລະ ໜຸ່ມ ສາວຈະກໍໄດ້ຊັກຊວນອວນເອົາໝູ່ເພື່ອນ, ລູກຫຼານຫ້າງຫາກະ ກຽມ ແລະ ຈັດແຈງເອົານໍ້າອົບ ນໍ້າຫອມລົງໄປສົງພະພຸດທະຮູບ, ຕາມຄະ ນົບທຳນຽມ ແລ້ວມື້ຕໍ່ ມາເອີ້ນວ່າ: ມີສັງຂານຂຶ້ນກໍ່ ເປັນມື້ເອົາພະພຸດທະຮູບ ຂຶ້ນແທນພາຍຫລັງມີການຫົດສົງຄັດສີ ໃຫ້ຈົບງາມ.

ສ່ວນປະເພນີການຕົບພະ ຊາຍຫຼືຕົບທາດຊາຍນັ້ນ, ແມ່ນ ຮີດຄອງປະເພນີທີ່ຄົນລາວຊາວພຸດພວກເຮົາເຄີຍໄດ້ປະຕິບັດສືບທອດກັນມາຕັ້ງແຕ່ບູຮານນະ ການໂດຍຄຽງຄູ່ໄປກັບການ ເຮັດບຸນປີໃໝ່ລາວກໍຄືບຸນຕຸດ ສົງການນັ້ນເອງ, ເພິ່ນກໍໄດ້ມີການ ຕົບພະຊາຍຫຼືຕົບທາດຊາຍ, ຖ້າ ຫາກບ້ານໃດຕິດກັບແມ່ນໍ້າ ແລະ ຫ້ວຍຮ່ອງຄອງບຶງທີ່ມີຫາດ ຊາຍ ເພິ່ນກໍຈະພາກັນລົງໄປຕົບທີ່ ຫາດຊາຍທີ່ເພື່ອຄວາມສະດວກສະບາຍຕາມສະຖານທີ່ນັ້ນ. ການໄປຕົບພະຊາຍໃນສະໄໝ ກ່ອນ, ເພິ່ນໄດ້ນິຍົມກັນເອົາພະ ສົງສາມະເນນໄປພ້ອມເພື່ອໄປ ປະກອບພິທີເຮັດບຸນຕາມພຸດ ທະສາສະໜາ ແລະ ມີຫຼາຍທ້ອງ ຖິ່ນເພິ່ນນິຍົມກັນໄປຂົນເອົາ ຊາຍຢູ່ຫາດຊາຍຂຶ້ນມາຕົບພະ ຊາຍ ຫຼືຕົບທາດຊາຍຢູ່ວັດເພື່ອ ຈະໄດ້ຖວາຍຊາຍນັ້ນໃຫ້ແກ່ວັດ ເລີຍເພື່ອນຳ ໃຊ້ເຂົ້າໃນການສ້າງ ສາທາລະນະປະໂຫຍກຕ່າງໆ ແກ່ວັດ ແລະ ສັງຄົມຕໍ່ໄປ.

ຕາມການບອກເລົ່າ ຂອງ ພວກຜູ້ເຖົ້າຜູ້ແກ່ ແລະ ອາວຸໂສ ທີ່ເຄີຍເຮັດບຸນສິນກິນທານຢູ່ ຕາມວັດວາອາຮາມ ຕ່າງໆໃຫ້ຮູ້ວ່າ: ການຕົບທາດຊາຍ ຢູ່ຫາດຊາຍຫຼືຢູ່ວັດກໍເຮັດເໝືອນກັນ ເຊິ່ງເພິ່ນ ໄດ້ເຮັດກອງຊາຍໃຫ້ ໃຫ່ຍ ແລະ ສວຍງາມຕາມຄວາມຕ້ອງການ ແລະ ເຮັດເປັນ ຫຼາຍຮູບແບບເຊັນ: ເຮັດໃຫ້ເປັນຮູບໝາກໂມຕັດເຄິ່ງ, ເຮັດເປັນ ຮູບແອວຂັນ, ເຮັດເປັນຮູບທາດ ຈອມແຫຼມ ແລະ ອື່ນໆ. ຈາກນັ້ນ, ເພິ່ນຈຶ່ງໄດ້ຕົບທາດຊາຍນ້ອຍ ຫຼາຍລູກອ້ອມຮອບທາດຊາຍ ໃຫຍ່ນໍາອີກແລ້ວກໍເອົາທຸງຊໍ່, ທຸງໄຊມາປະດັບປະດາ ແລະ ປັກໃສ່ຕາມທາດຊາຍ ນ້ອຍ-ທາດ ຊາຍໃຫ່ຍໃຫ້ງົດງາມແລ້ວກໍໄຫ້ວພະຮັບສິນຟັງເທດສະຫຼອງອີກດ້ວຍ./.