ສຶກສາອົບຮົມ ກຸ່ມແກ້ງກວນເມືອງດັດແປງສະພາບເຕັກນິກລົດ ທີ່ສ້າງຄວາມເດືອດຮ້ອນໃຫ້ແກ່ປະຊາຊົນ

ວັນທີ 15 ມິຖຸນາ 2023 ຜ່ານມາ, ກອງຮ້ອຍຕຳຫຼວດຈະລາຈອນ ປກສ ເມືອງແກ້ວອຸດົມ ສຶກສາອົບຮົມກຸ່ມແກ້ງກວນເມືອງທີ່ດັດແປງສະພາບເຕັກນິກລົດເຊີ່ງປະກອບມີ: ໃສ່ທໍ່ສຽງດັງ, ຢາງນ້ອຍ, ຂັບຂີ່ລົດແຂ່ງກັນຕາມເສັ້ນທາງ-ຖະໜົນຫຼວງທົ່ວເມືອງແກ້ວອຸດົມສ້າງຄວາມເດືອດຮ້ອນໃຫ້ແກ່ນັກຂັບຂີ່ຕາມຖະໜົນ ແລະ ປະຊາຊົນອ້ອມຂ້າງ. ໂດຍການເປັນປະທານຂອງ ທ່ານ ພັທ ດາວເພັດ ອິນທະວົງ ຮອງຫົວໜ້າກອງບັນຊາການ ປກສ ເມືອງແກ້ວອຸດົມ, ນັກຂັບຂີ່ຈໍານວນ 13 ຄົນ ແລະ ພໍ່ແມ່ຜູ້ປົກຄອງ.