ເມສຊີ່ ຍິງປະຕູໄວທີ່ສຸດໃນອາຊີບ ພາຟ້າຂາວ ຊະນະ ອອສເຕເລຍ 2-0 ເກມອຸ່ນເຄື່ອງທີ່ເມືອງຈີນ

ເອີ້ນສຽງຮືຮາຈາກແຟນບານທີ່ເມືອງຈີນ ລີໂອເນວ ເມສຊີ່ ດາວຍິງຊຸບເປີສະຕາອັນດັບ 1 ຂອງໂລກ ຫລັງຈາກທີ່ລົງໄປວາດລວດລາຍຍິງປະຕູໄດ້ໄວທີ່ສຸດໃນຊີວິດ ກ່ອນຊ່ວຍໃຫ້ ອາເຈນຕິນາ ອຸ່ນເຄື່ອງຊະນະ ອອສເຕເລຍ 2-0 ເມື່ອວັນທີ 15 ມິຖຸນາ 2023.

ເກມທີ່ສະຫນາມກິລາວອກເກີ ສະເຕດ້ຽມ, ເມືອງປັກກິ່ງ, ປະເທດຈີນ ອາເຈນຕິນາ ທີມແຊ້ມໂລກຫລ້າສຸດ ລົງສະໜາມອຸ່ນເຄື່ອງກັບ ອອສເຕເລຍ ໃນເກມນີ້ ເມສຊີ່ ໃສ່ປອກແຂນເປັນຫົວໜ້າທີມລົງຕົວຈິງ. ຮ່ວມກັບຕົວຫລັກເຊັ່ນ ໂຣຣິໂກ ເດປໍ, ອັງເຄລ ດິມາເຣຍ, ອາເລັກຊິສ ແມັກອະລິສເຕີ້, ແລະ ອື່ນໆ.

ປະກົດວ່າ “ທີມຟ້າຂາວ” ທີມອັນດັບ 1 ຂອງໂລກ ຄວ້າໄຊຊະນະໄປຕາມຄາດ 2-0 ຕາມຄາດຈາກການຍິງປະຕູຂອງ ລີໂອເນວ ເມສຊີ່ ໃນນາທີ 2 ແລະ ເຈີມັນ ເປສເຊລາ ໃນນາທີ 68 ໂດຍ ເມສຊີ່ ຍິງປະຕູຂຶ້ນນໍາຕັ້ງແຕ່ 1 ນາທີ 19 ວິນາທີ ( ຫລື 80 ວິນາທີ) ເປັນການຍິງໄດ້ໄວທີ່ສຸດໃນອາຊີບຂອງລາວ. ລວມທັງທີມຊາດ ແລະ ສະໂມສອນ.

ເບິ່ງຄລິບການຍິງປະຕຸຂອງເມສຊີ່ : https://twitter.com/Evan_M_G/status/1669316265754906625

ສຳລັບທີມຊາດອາເຈນຕິນາຂອງ ລີໂອເນວ ສະກາໂລນີ ຈະເດີນທາງໄປປະເທດອິນໂດເນເຊຍ ເພື່ອເຕະນັດມິດຕະພາບ 2 ຄັ້ງ ໃນວັນທີ 19 ມິຖຸນາ, ແຕ່ມີລາຍງານວ່າເຈົ້າຂອງ Ballon d’Or 7 ສະໄໝຖືກຈະບໍ່ໄດ້ລົງຫລິ້ນໃນນັດນີ້ ເນື່ອງຈາກໄດ້ຮັບອະນຸຍາດຈາກທີມເພື່ອໄປພັກຜ່ອນໄດ້. ພາຍຫລັງທີ່ຕໍ່ສູ້ກັບບານເຕະລີກ ແລະ ທີມຊາດມາຕະຫລອດລະດູການ 2022/23.