ເຊລຊີ ປະຕິເສດຂໍ້ສະເໜີຂໍ້ຊື້ ເມົ້າ 40 ລ້ານປອນ ຈາກແມນຢູ

BBC ລາຍງານຂ່າວວ່າ ແມນເຊສເຕີ ຢູໄນເຕັດ ຕ້ອງໄປເຮັດວຽກບ້ານມາໃຫມ່ເພື່ອສູ່ຂໍ ເມສັນ ເມົ້າ ກອງກາງທີມຊາດອັງກິດ ໄປເສີມກຳລັງ ພາຍຫລັງ ເຊລຊີ ປະຕິເສດຂໍ້ສະເໜີທຳອິດມູນຄ່າ 40 ລ້ານປອນ ໄປຮຽບຮ້ອຍ ເພາະເຊລຊີຕ້ອງການຄ່າຕົວຂອງເດັກປັ້ນລາຍນີ້ບໍ່ຕຳ່ກວ່າ 70 ລ້ານປອນ.

ເມົ້າ ເປັນຊື່ທີ່ ເອຣິກ ເທນ ຮາກ ຜູ້ຈັດການທີມແມນຢູຕ້ອງການຕົວເປັນພິເສດ ທ່າມກາງຂໍ້ສົງໄສຂອງແຟນບານວ່າ ກອງກາງອາຍຸ 24 ປີຈະລົງຫລິ້ນໃນແດນກາງ ແມນຢູ ທີ່ມີຕົວເລືອກອ່າວຫລາຍຢູ່ແລ້ວ.

ສະນັ້ນ ເບິ່ງແລ້ວ ແມນຢູ ຈະຈິງຈັງກັບການຊື້ຂາຍນີ້ຢ່າງຍິ່ງ ພາຍໃຕ້ສະຖານະການທີ່ວ່າ ເມົ້າ ເຫລືອສັນຍາກັບ ເຊລຊີ ພຽງປີດຽວ ແລະ ຜູ້ຈັດການທີມຄົນໃຫມ່ ເມົາຣີຊີໂອ ໂປເຊັດຕີໂນ ກໍພ້ອມປ່ອຍນັກເຕະອອກຈາກທີມ ຫາໄດ້ຄ່າຕົວເຫມາະສົມ.

ຍັງມີລາຍງານຈາກບາງແຫລ່ງຂ່າວວ່າ ເມົ້າ ໄດ້ບັນລຸຂໍ້ຕົກລົງໃນເລື່ອງສັນຍາສ່ວນຕົວ ກັບທາງ ແມນຢູ ແລ້ວ ເທົ່າກັບການຍ້າຍທີມເຫລືອພຽງເລື່ອງຄ່າເສຍຫາຍລະຫວ່າງ 2 ສະໂມສອນເທົ່ານັ້ນ.

ແນວໃດກໍຕາມ ຂໍ້ສະເໜີທຳອິດມູນຄ່າ 40 ລ້ານປອນ ແມນຢູ ຍື່ນໃຫ້ ເຊລຊີ ຖືກປະຕິເສດໄປຮຽບຮ້ອຍ ແລະ ເຊລຊີ ຢືນຢັນວ່າພວກເຂົາຕ້ອງການຄ່າຕົວທີ່ 70 ລ້ານປອນ.

ກໍລະນີນີ້ ແມນຢູ ເບິ່ງວ່າ ນັກເຕະທີ່ເຫລືອສັນຍພຽງປີດຽວ ບໍ່ຄວນມີຄ່າຕົວສູງຂະຫນາດນັ້ນ ເຮັດໃຫ້ຈະຕ້ອງມີການເຈລະຈາຕໍ່ເລື່ອງກັບທາງ ເຊລຊີ ຕໍ່ໄປ.