ທ່ານໝໍເຕືອນ 6 ເຄື່ອງດື່ມທີ່ມີກົດອົກຊາລິກສູງ ສ່ຽງເປັນໜິ້ວ

ທ່ານໝໍໄຕ້ຫວັນອອກມາເຕືອນ 6 ເຄື່ອງດື່ມທີ່ມີກົດອົກຊາລິກສູງ (Oxalic Acid) ເຊິ່ງເປັນສາເຫດຫລັກ ຂອງການເກີດໜິ້ວ ຍັງຢໍ້າຕື່ມອີກວ່າຄວນກິນນໍ້າໃຫ້ພຽງພໍຕໍ່ຄວາມຕ້ອງການຂອງຮ່າງກາຍ ເກີນ 2 ລິດຍິ່ງດີ

.

ໃນຍາມຮ້ອນ ການດື່ມເຄື່ອງດື່ມເພີ່ມຄວາມສົດຊື່ນໃນຕອນສວາຍ ເປັນໜຶ່ງໃນຕົວຊ່ວຍເລື່ອງການຄາຍຄຽດຢ່າງໜຶ່ງ ທີ່ຫລາຍຄົນມັກເຮັດ ແຕ່ລະວັງ! ເຄື່ອງດື່ມບາງປະເພດອາດໃຫ້ໂທດຫລາຍກວ່າທີ່ຄິດເຊັ່ນ: ນໍ້າໜັກຂຶ້ນ, ໄຂມັນຫຸ້ມຕັບ, ນໍ້າຕານໃນເລືອດສູງ ແລະ ເປັນໜິ້ວພົກຍ່ຽວ

.

ແພດຜູ້ຊ່ຽວຊານດ້ານພົກຍ່ຽວເຕືອນວ່າແຄວຊຽມອົກຊາເລດ ເປັນສ່ວນປະກອບຫລັກຂອງການເກີດໜິ້ວໄດ້ 10-15% ເຊິ່ງອົກຊາເລັດ (Oxalates) ຈະກັນບໍ່ໃຫ້ຮ່າງກາຍດູດຊຶມແຄວຊຽມໄດ້, ດັ່ງນັ້ນລະດັບແຄວຊຽມໃນພົກຍ່ຽວກໍຈະເພີ່ມຂຶ້ນ ນໍາໄປສູ່ພະຍາດໜິ້ວໝາກໄຂ່ຫລັງ

.

ເຊິ່ງເຄື່ອງດື່ມ 6 ຢ່າງທີ່ພາໃຫ້ເກີດໜິ້ວມີ:

– ຊາ ເຊັ່ນ: ຊາໝາກນາວ, ຊາຄາໂມມາຍ, ຊາມິ້ນ

– ກາເຟ

– ນໍ້າແຄນເບີຣີ່

– ເຄື່ອງດື່ມອັດລົມ

– ເບຍ

– ໂກໂກ້

ແນວໃດກໍຕາມ ສາເຫດຫລັກທີ່ເຮັດໃຫ້ເກີດໜິິ້ວພົກຍ່ຽວແມ່ນການດື່ມນໍ້າໜ້ອຍເກີນໄປ ພົບຫລາຍແມ່ນຜູ້ທີ່ດື່ມນໍ້າບໍ່ຮອດ 1,000 ມລ. / ມື້, ດັ່ງນັ້ນແພດຈຶ່ງແນະນໍາໃຫ້ດື່ມນໍ້າ 2,000 ມລ. ຂຶ້ນໄປ

.

ແລ້ວມື້ນີ້ທ່ານດື່ມນໍ້າແລ້ວ ຫລື ຍັງ, ຖ້າຍັງຄວນຮີບຫາມາດື່ມ!

ຂໍ້ມູນຈາກ