ແຣດຟອດ ຕົກລົງເຊັນສັນຍາໃຫມ່ຢູ່ຍາວກັບ ແມນຢູ

ສື່ແຖວໜ້າຂອງອັງພາກັນລາຍງານຂ່າວວ່າ ມາຄັສ ແຣສຟອສ ຕັດສິນໃຈແລ້ວໃນການຽມຈັບປາກກາເຊັນຕໍ່ສັນຍາກັບ ແມນເຊສເຕີ ຢຸໄນເຕັດ  ເພື່ອຢູ່ໃນທີມ ໂອນ ແທຣຟຟອດ ໄປແບບຍາວໆ ໂດຍບໍ່ມີແຜນຍ້າຍອອກ.

ທີ່ຜ່ານມາ ປະເດັນສັນຍາຂອງດາວຍິງອາຍຸ 25 ປີ ຖືກຈັບຕາຈາກຫລາຍຝ່າຍ ໂດຍສະເພາະ ປາຣີສ ແຊັງ ແຊັກແມັງ ທີ່ກຽມຈະສຽບເຂົ້າມາຄວ້າຕົວໄປເສີມທີມ ຈາກການທີ່ສັນຍາຂອງ ແຣສຟອດ ເຫລືອພຽງປີດຽວ ເຊິ່ງສົ່ງຜົນໃຫ້ ແມນຢູ ຈະຮຽກຄ່າຕົວສູງຫລາຍບໍ່ໄດ້.

ແຕ່ແລ້ວ ພາຍຫລັງທີ່ລາວສະແດງຜົນງານດີທີ່ສຸດໃນຊີວິດ ດ້ວຍການຍິງລວມ 30 ປະຕູ ແລະ ພາ ແມນເຊສເຕີ ຢູໄນເຕັດ ຍຶດອັນດັບ 3 ພຣີເມຍລີກ ໄດ້ໂຄຕ້າໄປຫລິ້ນ ຢູຟາ ແຊ໊ມປຽນລີກ ລະດູການໜ້າ ກໍເຮັດໃຫ້ ແຣສຟອດ ເບິ່ງເຫັນວ່າ ທີມມີອະນາຄົດທີ່ດີພາຍໃຕ້ການນຳທີມຂອງ ເອຣິກ ເທນ ຮາກ.

ດັ່ງນັ້ນ ແຣສຟອດ ຈຶ່ງກຽມຕໍ່ສັນຍາໄລຍະຍາວກັບ ແມນຢູ ຕໍ່ໄປ ແລະ ທີມກໍພ້ອມເພີ່ມຄ່າຈ້າງຂຶ້ນຫລາຍສົມຄວນ ຈາກທີ່ຕອນນີ້ຮັບຢູ່ 2 ແສນປອນ/ອາທິດ.

ແຫລ່ງຂ່າວຍັງເຜີຍກັບ The Sun ວ່າ ແຣສຟອດ ຈະຢູ່ກັບ ແມນຢູ ຕໍ່ໄປຢ່າງແນ່ນອນ ທີ່ຜ່ານມາລາວຖ້າເບິ່ງວ່າສະໂມສອນໄປຫລິ້ນແຊ໊ມປຽນ ລີກ ໄດ້ ຫລື ບໍ່ ແລະ ເມື່ອຕອນນີ້ເຮັດສຳເລັດແລ້ວ ລາວກໍຍິນດີເປັນຢ່າງຍິ່ງ.