ປິດຕຳນານ ຊະລາຕັນ ປະກາດແຂວນເກີບດ້ວຍໄວ 41 ປີ

ຊະລາຕັນ ອະບຣາຮີໂມວິດ ກອງໜ້າຊາວສະວີເດັນ ປະກາດແຂວນເກືອບຮຽບຮ້ອຍແລ້ວ ດ້ວຍອາຍຸ 41 ປີ ຫລັງຈົບເກມ ເຊເຣຍ ອາ ອິຕາລີ ນັດສຸດທ້າຍຂອງລະດູການ ທີ່ເອຊີ ມິລານ ຊະນະ ເວໂຣນາ 3-1 ເມື່ອວັນທີ 4 ມິຖຸນາ ທີ່ຜ່ານມາ.

ເກມດັ່ງກ່າວ ຊະລາຕັນ ບໍ່ໄດ້ລົງສະໜາມໃຫ້ກັບ ເອຊີ ມິລານ ໃນເກມດັ່ງກ່າວ ແຕ່ຫລັງຈົບເກມໄດ້ມີພິທີອຳລາໃຫ້ກັບດາວຍິງຄົນນີ້ ແລະ ລາວໄດ້ກ່າວຂອບໃຈທີມ ໃນການບອກລາຄັ້ງນີ້ວ່າ.

“ ຂ້ອຍບອກລາບານເຕະ ແຕ່ບໍ່ແມ່ນພວກເຈົ້າ ຕອນນີ້ມັນມີຫລາຍຄວາມຮູ້ສຶກຫລາຍ ຟໍຊ່າ ມິລານ ແລະ ລາກ່ອນ ຄັ້ງທຳອິດທີ່ຂ້ອຍບ່ອນນີ້ ເຈົ້າມອບຄວາມສຸກໃຫ້ກັບຂ້ອຍ ສ່ວນໄລຍະເວລາຄັ້ງທີ  ພວກເຈົ້າໃຫ້ຄວາມຮັກແກ່ຂ້ອຍ ”.

“ ກ່ອນໜ້ານີ້ຂ້ອຍຢ່ານທີ່ຈະເວົ້າເຖິງອະນາຄົດຕົນເອງເວລາທີ່ນັກຂ່າວຖາມ ແຕ່ຕອນນີ້ຂ້ອຍຍອມຮັບມັນ ຂ້ອຍພ້ອມແລ້ວ ຂ້ອຍເຮັດສິ່ງນີ້ມາຕະຫລອດຊີວິດ ບານເຕະເຮັດໃຫ້ຂ້ອຍເຕີບໂຕ ມັນເຮັດໃຫ້ຂ້ອຍໄດ້ຮູ້ຈັກກັບຜູ້ຄົນທີ່ບໍ່ຄິດວ່າຈະໄດ້ຮູ້ຈັກ ຂ້ອຍໄດ້ທ່ຽວໂລກ ຂອບໃຈບານເຕະ ”.

ສຳລັບ ຊະລາຕັນ ຍິງໄປ 511 ປະຕູໃນການຫລິ້ນລະດັບສະໂມສອນ ເຊິ່ງລວມໄປເຖິງ ປາຣີສ ແຊັງ ແຊັກແມັງ ແມນເຊສເຕີ ຢູໄນເຕັດ, ເອຊີ ມິລານ, ອິນເຕີ ມິລານ ນອກຈາກນີ້ລາວຍັງຄວ້າແຊ໊ມລີກໄດ້ເຖິງ  ປະເທດນຳອີກ ຂະນະທີ່ຜົນງານກັບທີມຊາດລາວເປັນດາວຍິງສູງສຸດຕະຫລອດການຂອງສະວີເດັນ ຍິງໄປ 62 ປະຕູ ຈາກ 122 ນັດ.