ວູຊູເຮັດບໍ່ໄດ້ຕາມເປົ້າໝານໃນຊີກາມ ຄັ້ງທີ 29 ມີຫຼາຍປັດໄຈ

ສະຫະພັນກິລາວູຊູແຫ່ງ ຊາດລາວ ໄດ້ສົ່ງນັກກິລາຈໍາ ນວນ 5 ຄົນເຂົ້າຮ່ວມການ ແຂ່ງຂັນມະຫະກໍາຊີເກມຄັ້ງທີ 29 ທີ່ປະເທດມາເລເຊຍເປັນ ເຈົ້າພາບທີ່ຈັດຂຶ້ນທ້າຍເດືອນ ສິງຫາ 2017 ນີ້ ຜ່ານການ ເຂົ້າຮ່ວມການແຂ່ງຂັນດັ່ງ ກ່າວນັກກິລາວູຊູທີມຊາດບໍ່ສາມາດຍາດໄດ້ຫລຽນໃນທຸກ ລາຍການຍ້ອນມີຫລາຍປັດ ໄຈຂອງການກະກຽມຄວາມພ້ອມກ່ອນການເຂົ້າຮ່ວມ.
ຕາມການໃຫ້ສໍາພາດ ຂອງທ່ານ ສີທາ ຈູຢາປະເສີດ ເລຂາສະຫະພັນກິລາວູຊູແຫ່ງຊາດວ່າ: ການເຂົ້າຮ່ວມແຂ່ງ ຂັນມະຫະກໍາຊີເກມຄັ້ງທີ 29 ທີ່ປະເທດມາເລເຊຍຮັບກຽດ ເປັນເຈົ້າພາບຈັດຂຶ້ນລະຫວ່າງວັນທີ 19-30 ສິງຫາຜ່ານມາ ນີ້ ສະຫະພັນຂອງພວກເຮົາໄດ້ ສົ່ງນັກກິລາເຂົ້າຮ່ວມທັງໝົດ 5 ຄົນໃນ 5 ລາຍການປະເພດ ຟ້ອນຄື: ນາງ ປຸກກີ ເຂົ້າຮ່ວມ ລາຍການໄທເກັກ, ນາງ ປາ ໄຍເຮີ ເຂົ້າຮ່ວມລາຍການຟ້ອນ ກະບອງ, ນາງ ຍອດຮັກ ເຂົ້າ ຮ່ວມຟ້ອນລີລາມື 1, ນາງ ເກດ ສຸດາ ວົງພັກດີ ເຂົ້າຮ່ວມລາຍ ການຟ້ອນລີລາມື 2, ທ້າວ ເຕ້ຍ ມົວ ເຂົ້າຮ່ວມລາຍການຟ້ອນ ດາບ ຜ່ານການແຂ່ງຂັນນັກກິ ລາຂອງຕົນເອງບໍ່ສາມາດ ຍາດໄດ້ຫລຽນ ເພາະວ່າການ ແຂ່ງຂັນຄັ້ັ້ງນີ້ ທາງເຈົ້າພາບ ໄດ້ຕັດປະເພດຕໍ່ສູ້ອອກ ເຊິ່ງເປັນ ປະເພດທີ່ພວກເຮົາເຄີຍມີຜົນ ງານຫລາຍໆລາຍການໃນ ການ ແຂ່ງຂັນລະດັບພາກພື້ນ ແລະ ສາກົນ ຈຶ່ງເຮັດໃຫ້ ພວກເຮົາໝົດຫວັງທີ່ຈະຍາດ ຫລຽນໃດຫລຽນໜຶ່ງມາສູ່ ສປປ ລາວ. ອີກຢ່າງນັກກິລາ ຂອງພວກເຮົາທີ່ສົ່ງເຂົ້າຮ່ວມ ໄດ້ມີການກະກຽມຕົວພຽງແຕ່ 2 ເດືອນ ກວ່າເທົ່ານັ້ນ, ນອກ ຈາກນັ້ນສະຖານທີ່ຝຶກຊ້ອມ ຂອງນັກກິລາຍັງບໍ່ເອື້ອອໍາ ນວຍປານໃດ ເຊິ່ງມີແຕ່ບ່ອນ ດຽວຄືສູນຝຶກຊ້ອມກິລາແຫ່ງຊາດ ຢູ່ ບ້ານ ສີເກີດ ເມືອງນາ ຊາຍທອງ ນະຄອນຫລວງ ວຽງຈັນ ໄດ້ເປັນປັດໄຈໜຶ່ງທີ່ ເຮັດໃຫ້ນັກກິລາມີໂອກາດຝຶກຊ້ອມລໍາບາກ ໃນນັ້ນ, ຍັງຂາດ ງົບປະມານເພື່ອເອົາຄູຝຶກຈາກປະເທດທີ່ເປັນຕົ້ນກໍາເນີດກິລາປະເພດນີ້ມາປະຈໍາຢູ່ສູນຝຶກ ຊ້ອມສິ່ງດັ່ງກ່າວຈຶ່ງເຮັດໃຫ້ ນັກກິລາຂອງພວກເຮົາບໍ່ສາ ມາດຍາດໄດ້ຫລຽນມາໃຫ້ກັບ ລາວ.
ການເຂົ້າຮ່ວມແຂ່ງຂັນ ລະດັບພາກພື້ນ ແລະ ສາກົນ ເຊິ່ງສະຫະພັນວູຊູແຫ່ງຊາດ ລາວ ກໍເປັນສະຫະພັນໜຶ່ງທີ່ ໄດ້ສ້າງຜົນງານຫລາຍຄັ້ງ ດັ່ງນັ້ນ, ທາງຄະນະບໍລິຫານ ກົມກິລາລະດັບສູງຈຶ່ງໄດ້ສົ່ງ ກິລາປະເພດດັ່ງກ່າວເຂົ້າຮ່ວມ ແຕ່ໜ້າເສຍດາຍການເຂົ້າ ຮ່ວມມະຫະກໍາຊີເກມຄັ້ງທີ່ 29 ນີ້ ສະຫະພັນວູຊູບໍ່ສາມາດຍາດ ໄດ້ຈັກຫລຽນ.
ສໍາຜົນງານຂອງສະຫະ ພັນວູຊູແຫ່ງຊາດລາວປີ 2006 ເຂົ້າຮ່ວມອາຊຽນ ເກມຄັ້ງທີ 16 ຍາດໄດ້ຫລຽນ ເງິນ ຢູ່ປະເທດຈາກາຕ້າ ປະ ເພດການຕໍ່ສູ້, ປີ 2009 ຊີເກມ ຄັ້ງທີ 27 ທີ່ ສປປ ລາວ ເປັນ ເຈົ້າພາບ ໄດ້ 5 ຫລຽນຄໍາ ໃນ ປະເພດຕໍ່ສູ້ ແລະ ຟ້ອນ. ສ່ວນ ປີ 2010 ເຂົ້າຮ່ວມແຂ່ງຂັນ ກວາງໂຈເກມທີ່ ສປ ຈີນ ສາ ມາດຍາດໄດ້ 2 ຫລຽນທອງ. ປີ 2015 ເຂົ້າຮ່ວມຊີເກມຄັ້ງທີ 28 ທີ່ປະເທດສິງກະໂປ ສາ ມາດຍາດໄດ້ 1 ຫລຽນທອງ.