ເມືອງແຮລິແຟກ ການາດາ ປະກາດສະຖານະການສຸກເສີນເຫດໄຟໄໝ້ປ່າ ພ້ອມສັ່ງປິດໂຮງຮຽນຫລາຍແຫ່ງ

ວັນທີ 29 ພຶດສະພາ, ເທດສະບານທ້ອງຖິ່ນປະຈໍາເມືອງແຮລິແຟກ ຢູ່ພາກຕາເວັນອອກຂອງການາດາ ອອກປະກາດເຕືອນປະຊາຊົນໃຫ້ອົບພະຍົບ ພ້ອມຈັດສັນທີ່ພັກອາໄສຊົ່ວຄາວ ຫລັງປະກາດສະຖານະການສຸກເສີນ ເນື່ອງຈາກເຫດໄຟໄໝ້ປ່າຄັ້ງໃຫຍ່ ເຊິ່ງສົ່ງຜົນໃຫ້ປະຊາຊົນຕ້ອງຍ້າຍທີ່ຢູ່ອາໄສ, ຂາດເຂີນໄຟຟ້າ ແລະ ໂຮງຮຽນຫລາຍແຫ່ງຖືກສັ່ງປິດ ໃນວັນທີ 28 ພຶດສະພາຜ່ານມາ.

ໂດຍເຈົ້າໜ້າທີ່ທ້ອງຖິ່ນຊີ້ແຈງວ່າ: ໄຟໄໝ້ປ່າລຸກລາມຈາກລົມທີ່ພັດແຮງ ແລະ ເສດໄມ້ແຫ້ງທີ່ຕິດໄຟງ່າຍ ເປວໄຟຈຶ່ງທໍາລາຍເຮືອນຫລາຍຫລັງ, ຂັດຂວາງການເຮັດວຽກຂອງໜ່ວຍກູ້ໄພ ອີກທັງຍັງສ້າງຄວັນຂະໜາດໃຫຍ່ເໜືອເຂດເມືອງ.

ທັງນີ້, ປະກາດສະຖານະການສຸກເສີນສະບັບນີ້ມີຜົນບັງຄັບໃຊ້ເປັນເວລາ 7 ວັນ ເວັ້ນແຕ່ຈະຍົກເລີກ ຫລື ຂະຫຍາຍເວລາອອກໄປ.

ອ້າງອີງ:

https://www.reuters.com/…/eastern-canadas-halifax…/