ທ່ານ ແອຣໂດອັນ ໄດ້ຮັບໄຊຊະນະໃນການເລືອກຕັ້ງປະທານາທິບໍດີຕວກກີອີກສະໄໝ

ປະທານາທິບໍດີ ເຣເຈບ ໄຕຍິບ ແອຣໂດອັນ ອາຍຸ 69 ປີ ໄດ້ຮັບໄຊຊະນະໃນການເລືອກຕັ້ງຕວກກີຮອບ 2 ເຊິ່ງຈັດຂຶ້ນໃນວັນທີ 28 ພຶດສະພາ ຕໍ່ອາຍຸໃຫ້ທ່ານໄດ້ດໍາລົງຕໍາແໜ່ງປະທານາທິບໍດີຕໍ່ອີກ 5 ປີ.

ຜົນການນັບຄະແນນເລືອກຕັ້ງຢ່າງເປັນທາງການອອກມາວ່າ: ທ່ານ ແອຣໂດອັນ ໄດ້ຄະແນນ 52,1%, ຂະນະທີ່ຄູ່ແຂ່ງຄົນສໍາຄັນຄືທ່ານ ເຄມັລ ຄິລິກດາໂຣກລູ ຈາກກຸ່ມພັນທະມິດ Nation Alliance ແລະ ຫົວໜ້າພັກ CHP ໄດ້ຄະແນນ 47,9%.

ການເລືອກຕັ້ງທີ່ເກີດຂຶ້ນຖືເປັນຈຸດສົນໃຈ ໂດຍກ່ອນໜ້ານີ້ພັກຝ່າຍຄ້ານຄາດຫວັງວ່າຈະມີໂອກາດເຮັດໃຫ້ທ່ານ ແອຣໂດອັນ ຫລຸດພົ້ນຈາກຕໍາແໜ່ງປະທານາທິບໍດີ ແລະ ປ່ຽນແປງນະໂຍບາຍຂອງປະເທດຄືນໃໝ່ ຫລັງຈາກຄວາມນິຍົມຂອງທ່ານ ແອຣໂດອັນ ເລີ່ມຫລຸດລົງ ເນື່ອງຈາກວິກິດຄ່າຄອງຊີບທີ່ສູງຂຶ້ນ ບວກຄວາມລົ້ມເຫລວໃນການບໍລິຫານການຊ່ວຍເຫລືອປະຊາຊົນຕອນເກີດເຫດແຜ່ນດິນໄຫວຄັ້ງໃຫຍ່ພາຍໃນປະເທດ.

ອ້າງອີງ:

http://www.reuters.com/…/erdogan-positioned-extend…/

www.bbc.com/news/world-europe-65743031