ເອຣິກ ເທນຮາກ ເປັນຄູຝຶກຄົນທີ່ 5 ທີ່ພາແມນຢູໄປຫລິ້ນຢູຟາແຊ້ມປຽນລີກ ຕັ້ງແຕ່ປີທຳອິດທີ່ຄຸມທີມ
ເອຣິກ ເທນຮາກ ຄູຝຶກ ແມນເຊັສເຕີ ຢູໄນເຕັດ ກາຍເປັນຫົວໜ້າຄູຝຶກຄົນທີ 5 ທີ່ນຳພາທີມໄປເຕະ ຢູຟາ ແຊ້ມປ້ຽນລີກ 2023-24 ນັບຕັ້ງແຕ່ຮັບໜ້າທີ່ຄຸມທີມ ຜີສາດແດງ ລະດູການທຳອິດ.
ເມື່ອວັນທີ 26 ພຶດສະພາ 2023 ຫລັງຈາກ ແມນເຊັສເຕີ ຢູໄນເຕັດ ເປີດບ້ານເອົາຊະນະ ເຊວຊີ 4-1 ໃນການແຂ່ງຂັນພຣີເມຍລີກ 2022-23 ເມື່ອຄືນທີ່ຜ່ານມາ. ຮັບປະກັນໂຄຕ້າໄປແຂ່ງ ຢູຟາ ແຊ້ມປ້ຽນລີກ ລະດູການ 2023-2024 ແນ່ນອນແລ້ວ ມີ 72 ຄະແນນ, ຢູ່ອັນດັບ 3 ຂອງຕາຕະລາງ, ນຳ ລິເວີພູລ ຢູ່ອັນດັບ 5 ມີ 6 ຄະແນນ, ແຕ່ຍັງເຫລືອອີກເກມດຽວເທົ່ານັ້ນ, ແຕ່ “ຜີສາດແດງ” ຍັງມີ ໂອກາດລຸ້ນແຊ້ມ FA Cup ກັບ ແມນຊິຕີ້ ໃນວັນທີ 3 ເດືອນມິຖຸນານີ້.
ຫລ້າສຸດ ເອຣິກ ເທນຮາກ ສະຖິຕິສ້າງປະຫວັດສາດທີ່ຫລາຍໆຄູຝຶກຂອງທີມເຮັດບໍ່ໄດ້ ໂດຍເປັນຫົວໜ້າຄູຝຶກຄົນທີ 5 ທີ່ນຳພາທີມໄປເຕະ ຢູຟາ ແຊ້ມປ້ຽນລີກ ໄດ້ທັນທີຕັ້ງແຕ່ຮັບໜ້າທີ່ຄຸມທີມລະດູການທໍາອິດຕໍ່ຈາກ John Bentley (1912/13), Matt Busby (1946/47), Ron Atkinson (1891/82) ແລະ Louis van Gaal (2014/15)
