CIES ປະເມີນມູນຄ່ານັກເຕະຮອບໃໝ່ ວິນີຊຸສ-ເອັມປັບເປ້ ອັນດັບຮ່ວມ 250 ລ້ານເອີໂຣ

CIES Football Observatory, ໜ່ວຍງານອົງການສໍາລັບການສຶກສາສະຖິຕິບານເຕະ ໄດ້ເປີດເຜີຍຜົນການປະເມີນມຸນຄ່າການຍ້າຍທີມຂອງນັກເຕະຮອບຫລ້າສຸດ. ໂດຍເນັ້ນໃສ່ນັກເຕະທີ່ມີສັນຍາກັບທີມປັດຈຸບັນ 3 ປີຂຶ້ນໄປ.

ຜົນປາກົດວ່າ ວິນີຊຸສ ຈູເນຍ ປີກຂອງ ເຣອັລ ມາດຣິດ ແລະ ຄີລຽນ ເອັມປັບເປ້ ດາວຍິງ ເປແອສເຊ ຖືກປະເມີນໃຫ້ມີມູນຄ່າສູງສູດຮ່ວມກັນຄົນລະ 250 ລ້ານເອີໂຣ.

ໃນຂະນະທີ່ອັນດັບຮອງລົງມາ ກໍ່ຍັງຄອງຮ່ວມອີກເຊັ່ນກັນໂດຍເປັນ ເອລລິງ ຮາແລນ ຈາກ ແມນ ຊິຕີ້ ແລະ ຈູສ ເບລລິງແຮມ ຈາກ ດັອດມຸນ ທີ່ 200 ລ້ານເອີໂຣ.

ຖັດຈາກນັ້ນ, ເປັນການຄອງອັນດັບຮ່ວມກັນຂອງນັກເຕະເຖິງ 7 ຄົນ ໂດຍມີ ບຸກາໂຢ ຊາກ້າ ຈາກ ອາເຊນອລ, ເປດຣີ ແລະ ກາບີ ຈາກ ບາເຊໂລນາ, ​​ໂຣດຣີໂກ ໂກເອສ ແລະ ເຟດເດຣິໂກ ວໍເວເດ້ ຈາກ ເຣອັລ ມາດຣິດ, ຈາມານ ມູເຊຍລາ ຈາກ ບາເຍີນ ມີວນິກ ແລະ ຟີວ ໂຟເດັນ ຈາກ ແມນ ຊິຕີ້ ໃນລາຄາ 150 ລ້ານເອີໂຣ.