ປິດສວນປະຕູໄຊຊົ່ວຄາວບາງພື້ນທີ່

ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ອອກແຈ້ງການ ເລກທີ 1359/ຄບຕ ນວ ລົງວັນທີ 17 ພຶດສະພາ 2023

ເລື່ອງ ຈະໄດ້ປິດສວນປະຕູໄຊຊົ່ວຄາວບາງພື້ນທີ່ ເພື່ອປັບປຸງກໍ່ສ້າງສວນຫຍ້າ, ສວນດອກໄມ້ ແລະ ສິ່ງອຳນວຍຄວາມສະດວກຂອງສວນປະຕູໄຊ ໃຫ້ມີຄວາມສວຍງາມເພື່ອຕ້ອນຮັບກອງປະຊຸມອາຊຽນປະຈຳປີ 2024 ທີ່ ສປປ ລາວ ເປັນເຈົ້າພາບ ເຊິ່ງຈະໄດ້ຈັດຕັ້ງປະຕິບັດເລີ່ມແຕ່ວັນທີ 1 ມິຖຸນາ ຫາ ວັນທີ 31 ສິງຫາ 2023 ໃຫ້ສຳເລັດ, ໃນໄລຍະເວລາປັບປຸງອາດຈະເຮັດໃຫ້ບັນດາທ່ານທີ່ທ່ຽວຊົມສວນປະຕູໄຊໃນໄລຍະນີ້ບໍ່ມີຄວາມສະດວກ ທາງຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ ຕ້ອງຂໍອະໄພນຳບັນດາທ່ານ ພາຍຫລັງປັບປຸງສຳເລັດຈະເປີດໃຫ້ທ່ຽວຊົມເປັນປົກກະຕິ.