ຮອງລັດຖະມົນຕີກະຊວງປ້ອງກັນປະເທດ ແຫ່ງ ສສ ຫວຽດນາມພ້ອມດ້ວຍຄະນະຜູ້ແທນຂັ້ນສູງ ທີ່ມາຢ້ຽມຢາມ ແລະ ເຮັດວຽກຢູ່ ບໍລິສັດ ສະຕາໂທລະຄົມ

ບໍລິສັດສະຕາໂທລະຄົມໄດ້ຈັດຕັ້ງພິີຂໍ່ານັບຮັບຕ້ອນທ່ານຫງວຽນ ເຕິນ ເກືອງ, ກໍາມະການສູນກາງພັກ, ຄະນະກໍາມະທິການປ້ອງກັນຊາດສູນກາງພັກກອມມູນິດຫວຽດນາມ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ແຫ່ງ ສສ ຫວຽດນາມພ້ອມດ້ວຍຄະນະຜູ້ແທນຂັ້ນສູງ ທີ່ມາຢ້ຽມຢາມ ແລະ ເຮັດວຽກຢູ່ ບໍລິສັດ ສະຕາໂທລະຄົມ

ໃນວັນທີ່ 11 ເດືອນ 5 ປີ 2023 ທີ່ສຳນັກງານໃຫຍ່ ບໍລິສັດ ສະຕາໂທລະຄົມ ໄດ້ຈັດຕັ້ງພິທີຂໍ່ານັບຮັບຕ້ອນທ່ານ ຫງວຽນ ເຕິນ ເກືອງ, ກໍາມະການສູນກາງພັກ, ຄະນະກໍາມະທິການປ້ອງກັນຊາດສູນກາງພັກກອມມູນິດຫວຽດນາມ,ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ແຫ່ງ ສສ ຫວຽດນາມພ້ອມດ້ວຍຄະນະຜູ້ແທນຂັ້ນສູງ ທີ່ມາຢ້ຽມຢາມ ແລະ ເຮັດວຽກ ທີ່ບໍລິສັດ ສະຕາ ໂທລະຄົມ.

ເປັນກຽດເຂົ້າຮ່ວມງານໂດຍ: ທ່ານພົນໂທຫງວຽນເຕິນເກືອງ, ກໍາມະການສູນກາງພັກ, ຄະນະກໍາມະທິການປ້ອງກັນຊາດສູນກາງພັກກອມມູນິດຫວຽດນາມ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ແຫ່ງ ສສ ຫວຽດນາມ ພ້ອມດ້ວຍ ທ່ານ ຟານ ມີງ ຈ໋ຽນ – ທີ່ປຶກສາຮອງເອກອັກຄະລັກຖະທູດ ສສຫວຽດນາມ ປະຈໍາ ສປປລາວ ພ້ອມດ້ວຍຄະນະຜູ້ແທນຂັ້ນສູງຂອງກະຊວງປ້ອງກັນປະເທດຫວຽດນາມ, ທ່ານ ພັນເອກ ວໍ໋ ວັນ ຖົ້ງ ທີ່ປຶກສາທູດທະຫານຫວຽດນາມ ປະຈຳລາວພ້ອມດ້ວຍບັນດາ ຄະນະຜູ້ແທນການນຳຂັ້ນສູງ ຂອງກະຊວງປ້ອງກັນປະເທດ ສສ ຫວຽດນາມ ທີ່ມາຢ້ຽມຢາມແລະ ຝ່າຍກຸ່ມບໍລິສັດ ກອງທັບຫວຽດເທວ ທ່ານ ພັນເອກ ຕ່າວ ດຶກຖັງ ປະທານ ພ້ອມທັງເປັນ ຜູ້ອຳນວຍການໃຫຍ່ຂອງກຸ່ມບໍລິສັດ ຫວຽດເທວ.

ໃຫ້ກຽດຕ້ອນຮັບການຢ້ຽມຢາມໂດຍ:ທ່ານ ເຈີນ ຈຸງ ຮຶງ ຜູ້ອໍານວຍການໃຫຍ່ ບໍລິສັດ ສະຕາ ໂທລະຄົມ ພ້ອມດ້ວຍຄະນະອໍານວຍການ, ພະແນກການ/ສູນ ຂອງບໍລິສັດສະຕາໂທລະຄົມ.

ໃນງານດັ່ງກ່າວກໍໄດ້ມີການຮັບຊົມວີດີໂອໄດ້ຍົກໃຫ້ເຫັນວິໄສທັດ ແລະ ຜົນການດໍາເນີນທຸລະກິດຂອງ Unitelຕະຫຼອດໄລຍະເວລາທີ່ຜ່ານມາ, ຂໍ້ມູນຢັ້ງຢືນໃຫ້ເຫັນວ່າ Unitelໄດ້ເຕີບໃຫ່ຍຂະຫຍາຍຕົວ ແລະ ເສີມສ້າງສາຍພົວພັນຂອງສອງກະຊວງປ້ອງກັນປະເທດ ລາວ ແລະ ຫວຽດນາມ ໃຫ້ນັບມື້ນັບແໜ້ນແພນຢີ່ງຂື້ນ.

ທ່ານ ເຈີນ ຈຸງ ຮຶງ –  ຜູ້ອໍານວຍການໃຫຍ່ ບໍລິສັດ ສະຕາ ໂທລະຄົມ ໄດ້ລາຍງານກ່ຽວກັບຜົນງານການດໍາເນີນທຸລະກິດ ຂອງ ຢູນີເທວຄຶ: ບໍລິສັດສະຕາໂທລະຄົມໄດ້ສ້າງຕັ້ງຂື້ນກ້າວເຂົ້າປີທີ15ແລະ 14ປີ ທີ່ໄດ້ໃຫ້ບໍລິການສູ່ສັງຄົມລາວ ພາຍໃຕ້ເຄື່ອງໝາຍການຄ້າຢູນີເທວ “UNITEL”.

ຢູນີເທວ ແມ່ນເຄື່ອຂ່າຍທີ່ໃຫ່ຍທີ່ສຸດ ໃນ ສປປລາວ ແລະເປັນບໍລິສັດທີ່ໃຫ້ບໍລິການດ້ານໂທລະຄົມມະນາຄົມ ອັນດັບ1 ທີ່ມອບເງິນພັນທະໃຫ້ແກ່ລັດຖະບານ, ສ້າງຄວາມເຊຶ້ອໝັ້ນໃຫ້ລັດຖະບານ ແລະ ປະຊາຊົນລາວ. ເຖີ່ງແມ່ນວ່າປະເທດລາວເປັນປະເທດທີ່ມີພົນລະເມືອງໜ້ອຍ, ຄວາມໜ້າແໜ້ນຂອງປະຊາກອນ, ອັດການຊົມໃຊ້ບໍລິການໂທລະຄົມມະນາຄົມນອນໃນບັນດາປະເທດທີ່ມີອັດຕາການຊົມໃຊ້ຕໍ່າທີ່ສຸດ(3$)ແຕ່ຍ້ອນຄວາມຮັບຜິດຊອບຕໍ່ສັງຄົມ,Unitelໄດ້ສຸ່ມໃສ່ພັດທະນາເຮັດໃຫ້ປະເທດລາວກາຍເປັນປະເທດໜື່ງທີ່ມີລະບົບໂຄງພື້ນຖານໂທລະຄົມມະນາຄົມທີ່ດີທີ່ສຸດໃນບັນດາປະເທດ ອາຊີຕາເວັນອອກສ່ຽງໃຕ້, ເພື່ອຈຸດປະສົງທີ່ຈະຊ່ວຍໃຫ້ປະຊາຊົນລາວໄດ້ນໍາໃຊ້ບໍລິການທາງດ້ານໂທລະຄົມ. ຍ້ອນສະນັ້ນ,Unitelໄດ້ຮັບຄວາມໄວ້ເນື້ອເຊື້ອໃຈຈາກປະຊາຊົນລາວ ເຮັດໃຫ້ສ່ວນແບ່ງການຕະຫຼາດຂອງ Unitelສາມາດກວມເອົາເຖີ່ງ 56%ໃນສະພາບແວດລ້ອມທ້ອງຕະຫຼາດຂອງລາວ ມີເຖີ່ງ 5 ເຄືອຂ່າຍທີ່ໃຫ້ບໍລິການທາງດ້ານໂທລະຄົມ ແລະ ມີການແຂ່ງຂັນກັນຢ່າງດູເດືອດ.

ການດໍາເນີນທຸລະກິດໄປຄຽງຄູ່ກັບການຊ່ວຍເຫຼືອສັງຄົມ,Unitelໄດເອົາໃຈໃສ່ຕໍ່ວຽກງານຊ່ວຍເຫຼືອສັງຄົມ ແລະ ຊ່ວຍເຫຼືອລັດຖະບານລາວໃນການຫັນປ່ຽນເປັນດິຈິຕ໋ອນ ແລະ ກໍ່ສ້າງລັດຖະບານອີເລັກໂທນີກ, ມີຫຼາຍລາຍການຊ່ວຍເຫຼືອສັງຄົມ, ລວມມູນຄ່າຊ່ວຍເຫຼືອຫຼາຍກ່ວາ 33 ລ້ານໂດລາ ເປັນຕົ້ນ: ຕິດຕັ້ງ ອີນເຕີເນັດນໍາໃຊ້ລ້າໃຫ້ບັນດາໂຮງຮຽນໃນທົ່ວປະເທດ, ສ້າງໂຮງຮຽນ, ສຸກສາລາ, ທືນການສືກສາໃຫ້ກັບນັກຮຽນຜູ້ທີ່ທຸກຍາກ, ແຕ່ລະເດືອນຊ່ວຍເຫຼືອຂອງກີນ ແລະ ຂອງໃຊ້ໃຫ້ປະຊາຊົນຜູ້ທີ່ທຸກຍາກ…

ທ່ານ ທ່ານ ພົນໂທ ຫງວຽນ ເຕິນ ເກືອງ, ກໍາມະການສູນກາງພັກ, ຄະນະກໍາມະທິການປ້ອງກັນຊາດສູນກາງພັກກອມມູນິດຫວຽດນາມ, ຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ແຫ່ງ ສສ ຫວຽດນາມ ໄດ້ກ່າວວ່າ: ສືບເນື່ອງຈາກໝາກຜົນທີ່ໄດ້ຮັບໃນຊຸມປີຜ່ານມາ, ຕາງໜ້າໃຫ້ແກ່ຄະນະກຳມະທິການປ້ອງກັນຊາດ ແຫ່ງ ສສ ຫວຽດນາມ  ຂ້າພະເຈົ້າຂໍມອບໜ້າທີ່ ໃຫ້ແກ່ຄະນະອຳນວຍການ ບໍລິສັດ ສະຕາ ໂທລະຄົມ ກໍຄື ຄະນະນຳຂອງ ກຸ່ມບໍລິສັດ ອຸດສະຫະກຳຫວຽວເທວຕ້ອງໄດ້ເອົາໃຈໃສ່ປະຕິບັດ ໜ້າທີ່ດັ່ງນີ້:

ຂໍຊົມເຊີຍຕໍ່ຜົນງານຂອງບໍລິສັດສະຕາໂທລະຄົມ ກໍ່ຄືຄະນະນໍາຂອງບໍລິສັດ ພ້ອມດ້ວຍພະນັກງານ ທັງໝົດ  ທີ່ຍາດໄດ້ຢູນີເທວບໍ່ພຽງແຕ່ເປັນບໍລິສັດນໍາໜ້າດ້ານການດໍາເນີນທຸລະກິດ ແລະ ຍັງເປັນສັນຍາລັກແຫ່ງຄວາມສາມັກຄີຂອງສອງຊາດລາວ ແລະ ວຽດນາມ, ຢູນີເທວຈົງພ້ອມກັນສືບຕໍ່ຮັກສາຜົນງານ, ພັດທະນາການບໍລິການຂອງຕົນຢ່າງຕໍ່ເນື່ອງ ໂດຍສະເພາະການນໍາເອົາເທັກໂນໂລຊີໃໝ່ໆ ກຽມພ້ອມວຽກງານຫັນປ່ຽນເປັນດີຈີຕອນ ເພື່ອສະໜອງໄດ້ວຽກງານແກ່ ພັກ-ລັດ ຖະບານ, ເພື່ອກາຍເປັນບໍລິສັດທີ່ນໍາໜ້າດ້ານການສະໜອງເທັກໂນໂລຊີທີ່ທັນສະໃໝຄົບວົງຈອນ ທີ່ໃຫ່ຍທີ່ສຸດໃນ ສປປລາວ.