ແຮກໝານແຕ່ຫົວປີ ຝົນຕົກພຽງ 2 ຊົ່ວໂມງ ນໍ້າຖ້ວມທາງກໍມີໃຫ້ເຫັນໂລດ
“ພໍແຕ່ຝົນຕົກລົງມາສີແຮງໆຕິດຕໍ່ກັນ2-3ຊົ່ວໂມງກໍ່ເຮັດໃຫ້ເກດນ້ຳຖ້ວມນ້ຳຂັງຕາມຖະໜົນຫົນທາງຫລາຍເສັ້ນຫລາຍສາຍໃນນະຄອນຫລວງວຽງຈັນເຮັດໃຫ້ການສັນຈອນພົບກັບຄວາມຫຍຸ້ງຍາກໂລດ” ສຽງປະຊາຊົນຊາວນະຄອນຫລວງວຽງຈັນ ຈົ່ມອອອກມາແຕ່ຫົວປີ ທັງນີ້ກໍຍ້ອນວ່າ ໃນຄືນວັນທີ 12 ພຶດສະພາ 2023 ຜ່ານມາໄດ້ມີຝົນຕົກລົງມາແຕ່ຫົວຄ່ຳແກ່ຍາວຫລາຍຊົ່ວໂມງປະລິມານນ້ຳຝົນມີຫລາຍເຮັດໃຫ້ມີນ້ຳຖ້ວມຂັງຢູ່ຫລາຍຈຸດ ເຊັ່ນ: ທາງຮ່ອມໂຮງແຮມດາວຄຳ-ຂຸນຕາ, ທາງຮ່ອມບ້ານຈອມມະນີໃຕ້(ແຖວກົມພາລາກອງທັບ), ຮ່ອງແກ, ສີ່ແຍກໄຟແດງດົງໂດກ ແລະ ຈຸດອື່ນໆ..,ກວ່ານ້ຳຈະບົກແຫ້ງກໍໃຊ້ເວລາຫລາຍຊົ່ວໂມງ.
ບັນຫາແບບນີ້ບໍ່ແມ່ນຫາກໍເກີດຂຶ້ນມື້ນີ້ຫລືວານນີ້ ມັນເກີດມີມາແຕ່ຫລາຍປີແລ້ວໃນເມື່ອຫາກມີຝົນຕົກແຮງ ເມື່ອເປັນແນວນີ້ແລ້ວເຮົາມາແລກປ່ຽນຄຳຄິດເຫັນນຳກັນເບິ່ງວ່າສາເຫດມາຈາກໃສ ແລ້ວຈະຊ່ວຍກັນແກ້ໄຂແນວໃດ? ສາເຫດຫລັກກໍແມ່ນຍ້ອນຮ່ອງລະບາຍນ້ຳອຸດຕັນເຮັດໃຫ້ນ້ຳທີ່ມີປະລິມານຫລາຍນັ້ນໄຫລບໍ່ທັນຫລືບໍ່ມີທາງທີ່ຈະໄຫລອອກ ນີ້ກໍຍ້ອນມີຄົນຈຳນວນໜຶ່ງມັກງ່າຍຂາດສະຕິຂອງຄົນເຮົາບໍ່ຮັກສາຄວາມສະອາດຮ່ວມກັນ ພາກັານຖີ້ມຂີ້ເຫື້ຍອຊະຊາຍລົງສູ່ຮ່ອງລະບາຍນ້ຳເປັນເຫດໃຫ້ຮ່ອງນ້ຳອຸດຕັນ ບາງເຂດກໍ່ມີການຖົມດິນເຮັດໃຫ້ດິນເຈື່ອທັບຖົມຮ່ອງນ້ຳແບບບໍ່ຕັ້ງໃຈກໍມີ ນີ້ເປັນພຽງໄລຍະສັ້ນໆເທົ່ານັ້ນກໍ່ຍັງເກີດຍັນຫາແລ້ວ.
ປັດຈຸບັນແມ່ນກ້າວເຂົ້າສູ່ໜ້າຝົນແລ້ວຄາດວ່າໃນຕໍ່ໜ້າຍັງຈະມີຝົນຕົກແຮງແລະຫລາຍກ່ວາເກົ່າ ເຮົາຕ້ອງຊອກຫາທາງອອກແກ້ໄຂຊວ່ຍກັນ ຕົ້ນຕໍທາງເບື້ອງ ອົງການບໍລິຫານແລະພັດທະນາຕົວເມືອງຫລື ຄບຕ ຄວນເປັນເຈົ້າການໃນການແກ້ໄຂກວ່າຈະເຮັດແນວໃດສົມຄວນລົງອະນາໄມລວງຕະຄອງຮ່ອງນ້ຳຕາມຖະໜົນສາຍຕ່າງໆຫລືບໍ່? ສ່ວນເບື້ອງປະຊາຊົນກໍຄວນຊ່ວຍກັນໃນການປະກອບສ່ວນຮັກສາຄວາມສະອາດແລະອະນາໄມຂີ້ເຫຍື້ອອອກຈາກຮ່ອງນ້ຳໜ້າບ້ານຂອງຕົນຕື່ມ ຖ້າບໍ່ດັ່ງນັ້ນເມື່ອຝົນຕົກລົງມາກໍຈະພາກັນຈົ່ມແບບນີ້ໄປຕະຫລອດຫັ້ນລະ ຈົ່ງຮີບມາພ້ອມກັນແກ້ໄຂບັນຫານ້ຳຖ້ວມຂັງແຕ່ດຽວນີ້ໂລດຈຶ່ງບໍ່ໄດ້ເຈີບັນຫາໃນຕໍ່ໜ້າ.
ນ້ຳຖ້ວມຂັງແຕ່ລະປີແມ່ນມີຄວາມທຸກທໍລະມານຫລາຍສຳລັບຄອບຄົວໃດໄດ້ພົບເຈີ ຈົນບໍ່ໄດ້ລັບໄດ້ນອນພຸ້ນລະ, ເສຍເວລາທຳມາຫາກິນ ແລະ ເສຍວຽກເສຍງານຍ້ອນກໍມີ ເພາະໃຊ້ເວລາທັງໝົດໃຫ້ກັບການອານາໄມເຮືອນ ຖ້າໃຜບໍ່ທັນໄດ້ພົບພໍກັບໂຕເອງກໍຄົງອາດຈະບໍ່ຮູ້ສຶກເຖິງຄວາມຫຍຸ້ງຍາກລຳບາກນັ້ນ.
