ສິງກະໂປ ວາງແຜນອອກກົດໝາຍຕ້ານອາຊະຍາກຳອິນເຕີເນັດຫລັງມີຄະດີ ສໍ້ໂກງ ແລະ ອາຊະຍາກຳ ທາງອອນລາຍ

ສຳນັກ​ຂ່າວ AFP ລາຍງານ ຈາກປະເທດສິງກະໂປ ໃນວັນທີ 9 ພຶດສະພາ ຜ່ານມາວ່າ: ລັດຖະບານສິງກະ​ໂປ ສະ​ເໜີ ​ຮ່າງ​ກົດໝາຍ​ໃໝ່ ຕໍ່​ສະພາ ເຊິ່ງ​ຈະ​ອະນຸຍາດ ​ໃຫ້​ເຈົ້າໜ້າທີ່ທາງ​ການ ສາມາດ ລົບ​ແອບ​ພຣີເຄຊັນ ຕ່າງໆ​ໄດ້ ​ເພື່ອ​ຊ່ວຍ​ໃຫ້​ ​ເຈົ້າໜ້າ​ທີ່ ຕຳຫລວດມີ​ອຳນາດຫລາຍ​ຂຶ້ນ​ກວ່າ​ເກົ່າ ​​ໃນ​ການ​ຕໍ່​ສູ້ຕ້ານ​ອາ​ຊະ​ຍາ​ກຳ ​ແລະ ການ​ສໍ້ໂກງ ທາງ​ອິນເຕີເນັດ(ອອນ​ລາຍ) ລວມທັງ​ ຮຽກຮ້ອງ​ໃຫ້ຜູ້​ໃຫ້​ບໍລິການ ອອນ​ລາຍປິດ​ການ​ໃຊ້​ງານ ຕາມ​ທີ່​ລະບຸ​ໄວ້ ​ໃນ​ກົດໝາຍ​ໃໝ່ ວ່າ​ດ້ວຍອັນຕະລາຍ ທາງ​ອາ​ຊະ​ຍາ​ກຳ ອອນ​ລາຍ ເຊິ່ງ​ເປັນ ຄວາມ​ພະຍາຍາມ​ຢ່າງ​ຈິງ​ຈັງ ຂອງສິງກະ​ໂປ​ ທີ່​ໃຫ້​ຄວາມ​ສຳຄັນ ​ໃນ​ການ​ຕ້ານ​ ອາ​ຊະ​ຍາ​ກຳ ຢ່າງຮອບດ້ານ ຫລັງ​ຈາກມີ​ຄະດີ​ ສໍ້​ໂກງ​ ​ແລະ ອາ​ຊະ​ຍາ​ກຳ ທາງ​ອອນ​ລາຍ ​ທັງ​ໝົດ 33.669 ຄະດີ ​ເພີ່ມ​ຂຶ້ນ 25,2%​ ຈາກ​ປີ 2021. ນອກນັ້ນ ຮ່າງກົດໝາຍທີ່ສະເໜີ ຈະເຮັດໃຫ້ຊຸມຊົນອອນລາຍຂອງປະເທດມີຄວາມປອດໄພຫລາຍຂຶ້ນ.