ເດືອນເມສາ 2023 ສປປ ລາວ ຂາດດຸນການຄ້າ ປະມານ 17 ລ້ານໂດລາ ໃນມູນຄ່າການນໍາເຂົ້າ ແລະ ສົ່ງອອກ ສິນຄ້າ 947 ລ້ານໂດລາ
ສູນຂໍ້ມູນຂ່າວສານທາງດ້ານການຄ້າ ກະຊວງອຸດສາຫະກຳ ແລະ ການຄ້າ ລາຍງານວ່າ: ມູນຄ່າການນໍາເຂົ້າ ແລະ ສົ່ງອອກ ສິນຄ້າ ຂອງ ສປປ ລາວ ປະຈໍາເດືອນເມສາ 2023 ບັນລຸໄດ້ປະມານ 947 ລ້ານໂດລາສະຫະລັດ. ໃນນີ້, ມູນຄ່າການສົ່ງອອກ ມີປະມານ 465 ລ້ານໂດລາສະຫະລັດ, ມູນຄ່າການນໍາເຂົ້າ ປະມານ 482 ລ້ານໂດລາສະຫະລັດ ແລະ ຂາດດຸນການຄ້າ ປະມານ 17 ລ້ານໂດລາສະຫະລັດ.
ສຳລັບສິນຄ້າທີ່ສົ່ງອອກຫລາຍ ປະກອບມີ: ຄຳປະສົມ ແລະ ຄຳແທ່ງ, ເກືອກາລີ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ, ແຮ່ທອງ, ແຮ່ເຫລັກ…; ສ່ວນສິນຄ້າທີ່ນໍາເຂົ້າຫລາຍ ປະກອບມີ: ນ້ຳມັນກາຊວນ, ພາຫະນະທາງບົກ, ອຸປະກອນກົນຈັກ, ນ້ຳມັນແອັດຊັງ, ເຫລັກ ແລະ ເຄື່ອງທີ່ເຮັດດ້ວຍເຫລັກ…
ສິນຄ້າສົ່ງອອກ 10 ອັນດັບຕົ້ນຕໍໄດ້ແກ່: ຄຳປະສົມ, ຄຳແທ່ງ 87 ລ້ານໂດລາສະຫະລັດ, ເກືອກາລີ 48 ລ້ານໂດລາສະຫະລັດ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ 42 ລ້ານໂດລາສະຫະລັດ, ແຮ່ທອງ 31 ລ້ານໂດລາສະຫະລັດ, ແຮ່ເຫລັກ 25 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ 23 ລ້ານໂດລາສະຫະລັດ, ມັນຕົ້ນ 21 ລ້ານໂດລາສະຫະລັດ, ໝາກກ້ວຍ 20 ລ້ານໂດລາສະຫະລັດ ແລະ ເຄື່ອງດື່ມ 16 ລ້ານໂດລາສະຫະລັດ.
ສິນຄ້ານໍາເຂົ້າ 10 ອັນດັບຕົ້ນຕໍ ໄດ້ແກ່: ນ້ຳມັນກາຊວນ 71 ລ້ານໂດລາສະຫະລັດ, ພາຫະນະທາງບົກ 41 ລ້ານໂດລາສະຫະລັດ, ອຸປະກອນກົນຈັກ 38 ລ້ານໂດລາສະຫະລັດ, ນ້ຳມັນແອັດຊັງ 22 ລ້ານໂດລາສະຫະລັດ, ເຫລັກ ແລະ ເຄື່ອງທີ່ເຮັດດ້ວຍເຫລັກ 22 ລ້ານໂດລາສະຫະລັດ, ເຄື່ອງດື່ມ 22 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ 19 ລ້ານໂດລາສະຫະລັດ, ເຄື່ອງໃຊ້ທີ່ເຮັດດ້ວຍພລາສະຕິກ 18 ລ້ານໂດລາສະຫະລັດ, ເຄື່ອງໄຟຟ້າ ແລະ ອຸປະກອນໄຟຟ້າ 16 ລ້ານໂດລາສະຫະລັດ ແລະ ຊິ້ນສ່ວນອາໄຫລ່ລົດ 16 ລ້ານໂດລາສະຫະລັດ.
ປະເທດ ທີ່ ສປປ ລາວ ສົ່ງອອກຫລາຍ 5 ອັນດັບ ໄດ້ແກ່: ຈີນ 196 ລ້ານໂດລາສະຫະລັດ, ຫວຽດນາມ 82 ລ້ານໂດລາສະຫະລັດ, ໄທ 60 ລ້ານໂດລາສະຫະລັດ, ອົດສະຕາລີ 35 ລ້ານໂດລາສະຫະລັດ ແລະ ສິງກະໂປ 26 ລ້ານໂດລາສະຫະລັດ.
ປະເທດ ທີ່ ສປປ ລາວ ນໍາເຂົ້າຫລາຍ 5 ອັນດັບ ໄດ້ແກ່: ໄທ 241 ລ້ານໂດລາສະຫະລັດ, ຈີນ 144 ລ້ານໂດລາສະຫະລັດ, ຫວຽດນາມ 29 ລ້ານໂດລາສະຫະລັດ, ສະຫະລັດອາເມລິກາ 14 ລ້ານໂດລາສະຫະລັດ ແລະ ຍີ່ປຸ່ນ 12 ລ້ານໂດລາສະຫະລັດ.
ມູນຄ່າການນໍາເຂົ້າ ແລະ ສົ່ງອອກ ປະຈໍາເດືອນ ເມສາ 2023 ແມ່ນຍັງບໍ່ກວມເອົາມູນຄ່າການນຳເຂົ້າ ແລະ ສົ່ງອອກ ໄຟຟ້າ (ສໍາລັບມູນຄ່າການນຳເຂົ້າ ແລະ ສົ່ງອອກ ໄຟຟ້າ ພວກເຮົາຈະເອົາລົງພາຍຫຼັງທີ່ເກັບກໍາຕົວເລກສະຖິຕິໄດ້ຄົບຖ້ວນ ແລະ ຊັດເຈນແລ້ວ).
