ປກສ ແຂວງຈຳປາສັກ ກັກຕົວເປົ້າໝາຍຄ້າຂາຍຢາເສບຕິດ 1 ຄົນພ້ອມຂອງກາງຢາບ້າ 923 ເມັດ

ຕາມການລາຍງານຂອງເຈົ້າໜ້າທີ່ພະແນກຕຳຫລວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກໃຫ້ຮູ້ວ່າ: ໃນຄັ້ງວັນທີ 30 ເມສາ 2023 ເວລາ 18:00 ນາທີ ເຈົ້າໜ້າທີ່ປະຈຳຈຸດກວດກາປ້ອມ ພູດິນຊາຍ ເມືອງປາກຊ່ອງ ແຂວງຈຳປາສັກ ໄດ້ກັກຕົວຜູ້ຄ້າຂາຍຢາເສບຕິດໄດ້ 1 ຄົນ ຊື່ທ້າວ ຄຳໃບ ມິ່ງເມືອງ ອາຍຸ 47 ປີ ກຳມະກອນ ບ້ານວັດຫຼວງ ເມືອງສາມັກຄີໄຊ ແຂວງອັດຕະປື ພ້ອມຂອງກາງຢາບ້າ 923 ເມັດ ລົດຈັກຍີ່ຫໍ້ຮອນດ້າເວບເອັດ ສີຟ້າດຳ ທະບຽນ ຈກ 5682 ອັດຕະປື ໂທລະສັບ 2 ໜ່ວຍ, ປືນສັ້ນດັດແປງຍິງລູກແວັງ01 ກະບອກ, ລູກປືນແວັງ03 ລູກ ແລະ ເຄື່ອງຂອງກາງອື່ນໆອີກຈຳນວນໜື່ງ.

ປັດຈຸບັນຄະດີດັ່ງກ່າວ ຍັງຢູ່ໃນຂັ້ນຕອນການສືບສວນ-ສອບສວນຂອງເຈົ້າໜ້າທີ່ຕຳຫລວດວິຊາສະເພາະ ເພື່ອຊອກຫາຜູ້ຮ່ວມຂະບວນການມາດຳເນີນຄະດີຕາມຂັ້ນຕອນຂອງກົດໝາຍບ້ານເມືອງຕໍ່ໄປ.