ຢຶດລົດ BENZ ແລະ ລົດບັນທຸກ 12 ລໍ້ ທີ່ລັກລອບນຳເຂົ້າບໍ່ຖືກຕ້ອງ ໃນບໍລິເວນເຂດເສດຖະກິດບໍ່ເຕັນແດນງາມ

ເຈົ້າໜ້າທີ່ພາສີ ພະແນກສືບ-ສອບສວນ ແລະ ປາບປາມກາລັກລອບໜີພາສີ (ພສປ) ປະຈຳຈຸດປະສານງານນາເຕີຍ ແຂວງຫລວງນໍ້າທາ, ໄດ້ຕິດຕາມ ແລະ ກວດກາຕາມແຫລ່ງຂ່າວລາຍງານ ໃນວັນທີ 21 ເມສາ 2023 ຜ່ານມາ ວ່າ: ມີລົດເກັງຍີ່ຫໍ້ BENZ ແລະ ລົດບັນທຸກ 12 ລໍ້ບໍ່ຕິດປ້າຍທະບຽນ, ຈອດຢູ່ໃນບໍລິເວນເຂດເສດຖະກິດບໍ່ເຕັນແດນງາມ.

ດັ່ງນັ້ນເຈົ້າໜ້າພາສີ ພສປ, ຈຶ່ງໄດ້ເຄື່ອນໄຫວຕິດຕາມພົບເຫັນເປົ້າໝາຍໃນເຂດດັ່ງກ່າວ, ຜ່ານການກວດກາເບື້ອງຕົ້ນເຫັນວ່າ:  ເປັນລົດມືສອງລັກລອບນຳເຂົ້າບໍ່ມີເອກະສານອະນຸຍາດນຳເຂົ້າເສຍພາສີ-ອາກອນ. ພ້ອມນັ້ນຈຶ່ງໄດ້ນຳລົດຄັນດັ່ງກ່າວມອບໃຫ້ພາສີ ປະຈຳແຂວງຫລວງນໍ້າທາ, ດຳເນີນຂັ້ນຕອນຕາມກົດໝາຍ ແລະ ລະບຽບການຕໍ່ໄປ.