ສານເຄມີຮົ່ວໄຫລ ໃນເມືອງທ່າອິນເດຍ ເສຍຊີວິດແລ້ວ 11 ຄົນ ແລະ ມີຄົນໄດ້ຮັບບາດເຈັບອີກຫລາຍສິບຄົນ

ສຳນັກຂ່າວຕ່າງປະເທດລາຍງານ: ວັນທີ 30 ເມສາ 2023 ຜ່ານມາ, ເກີດເຫດສານເຄມີຮົ່ວໄຫລ ໂດຍບໍ່ຮູ້ສາເຫດທີ່ເມືອງທ່າລູດິອານາ ລັດປັນຈາບ ທາງຕາເວັນຕົກສຽງເໜືອຂອງອິນເດຍ ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 11 ຄົນ ແລະ ພົບຜູ້ຄົນອີກຫລາຍຄົນນອນໝົດສະຕິພາຍໃນເຮືອນຂອງຕົນເອງ ຫລື ເກີດຄວາມຜິດປົກກະຕິກ່ຽວກັບການຫາຍໃຈ 4 ຄົນ ຕ້ອງເຂົ້າປິ່ນປົວໃນໂຮງໝໍ.

ຫລັງເກີດເຫດທາງການທ້ອງຖິ່ນຕ້ອງປະກາດປິດພື້ນທີ່ ແລະ ອົບພະຍົບປະຊາຊົນໄປຍັງສະຖານທີ່ ທີ່ປອດໄພ ມາຮອດປັດຈຸບັນຍັງບໍ່ມີຂໍ້ມູນຊັດເຈນວ່າຕົ້ນຕໍຂອງການຮົ່ວໄຫລມາຈາກໃສ.

ສຳນັກຂ່າວ PTI ຂອງອິນເດຍລາຍງານວ່າ: ເຈົ້າໜ້າທີ່ກຳລັງເກັບຕົວຢ່າງຈາກທໍ່ລະບາຍນໍ້າຫລາຍຈຸດ ໂດຍມີຄວາມເປັນໄປໄດ້ສູງວ່າສາເຫດຂອງການຮົ່ວໄຫລຈະເກີດຈາກສານເຄມີບາງຕົວໄປເຮັດປະຕິກິລິຍາກັບກ໊າສມີເທນ ໃນທໍ່.