ເມສັນ ກຣີນວູດ ຮັບສະພາບຈະບໍ່ໄດ້ລົງສະໜາມໃຫ້ ແມນຢູ ອີກແລ້ວ

ສື່ລາຍງານວ່າ ເມສັນ ກຣີນວູດ ໄດ້ບອກກັບຫມູ່ວ່າ ລາວຈະບໍ່ໄດ້ລົງສະໜາມໃຫ້ກັບ ແມນເຊສເຕີ ຢູໄນເຕັດ ອີກຕໍ່ໄປແລ້ວ ສືບເນື່ອງຈາກຄະດີດັງທີ່ຕົນເອງກໍ່.

ໂດຍ ກຣີນວູດ ຖືກເຈົ້າໜ້າທີ່ຕຳຫລວດຄວບຄຸມຕົວຕັ້ງແຕ່ເດືອນມັງກອນ 2022 ດ້ວຍຂໍ້ຫາພະຍາຍາມຂົ່ມຂືນ, ກັກຂັງ ແລະ ທຳຮ້າຍຮ່າງກາຍອະດີດແຟນສາວ ເຊິ່ງທາງ ແມນເຊສເຕີ ຢູໄນເຕັດ ກໍຕັດສິນໃຈຫ້າມນັກເຕະລາຍນີ້.

ຈົນເມື່ອເດືອນກຸມພາທີ່ຜ່ານມາ ດາວເຕະອາຍຸ 21 ປີລອດພົ້ນຈາກທຸກຂໍ້ຫາ ຫລັງໄອຍະການສັ່ງໃຫ້ບໍ່ຟ້ອງ ເນື່ອງຈາກພະຍານປາກສຳຄັນຫລາຍຄົນຖອນຕົວ ເຮັດໃຫ້ບໍ່ສາມາດພິສູດໄດ້ວ່ານັກເຕະລາຍນີ້ມີຄວາມຜິດແທ້ ແຕ່ ແມນຢູ ຍັງດຳເນີນການສອບສວນພາຍໃນກັນຕໍ່ ແລະ ຫ້າມ ກຣີນວູດ ກັບມາຊ້ອມຮ່ວມກັບທີມຈົນກວ່າຂະບວນການສອບສວນຈະສຳເລັດ.

ແນວໃດກໍຕາມຫລ້າສຸດ ເດິ ຊັນ ສື່ອັງກິດເຜີຍໂດຍອ້າງອີງຈາກແຫລ່ງຂ່າວໃກ້ຊິດຂອງ ກຣີນວູດ ວ່າ ກອງໜ້າຊາວອັງກິດລາຍນີ້ ຍອມຮັບເອງໃນການທີ່ຕ້ອງປິດອາຊີບນັກເຕະຂອງຕົນເອງກັບ ແມນຢູ ເມສັນ ເຊື່ອວ່າ ລາວຈົບກັບ ແມນຢູ ແລ້ວ ລາວນັ່ງເຕະສົ້ນຕີນຢູ່ເຮືອນ ແລະ ຫງຸດຫງິດຫລາຍ.

“ ລາວຕ້ອງການກັບໄປຫລິ້ນບານອີກເທື່ອຫນຶ່ງ ແຕ່ຮູ້ດີວ່າສະຖານະການຂອງລາວຊັບຊ້ອນຫລາຍ ແລະ ມັນເປັນການກະທຳຂອງລາວເອງ ລາວມຸ່ງຫມັ້ນທີ່ຈະຫລິ້ນບານເຕະອີກເທື່ອຫນຶ່ງ ແຕ່ບໍ່ຄິດວ່າລາວຈະໄດ້ສວມເສື້້ອຢູໄນເຕັດ ອີກແລ້ວ ”.