ແມນຢູ ປະກາດຕໍ່ສັນຍາໄລຍະຍາວກັບ ການາໂຊ ດາວຮຸ່ງອະນາຄົດໄກ

ແມນເຊສເຕີ ຢູໄນເຕັດ ທີມດັງແຫ່ງພຣີເມຍລີກ ອັງກິດ ພາຍໃຕ້ການນຳທີມຂອງ ເອຣິກ ເທນ ຮາກ ຜູ້ຈັດການທີມຊາວເນເທີແລນ ປະກາດຕໍ່ສັນຍາໄລຍະຍາວກັບ ອາເລຮານໂດຣ ການາໂຊ ກອງໜ້າດາວຮຸ່ງຊາວອາເຈນຕີນາອອກໄປຈົນເຖິງ 2028 ເຖິງວ່າຕອນທຳອິດການເຈລະຈາມີບັນຫາເລື່ອງລິຂະສິດພາບລັກຂອງນັກເຕະ.

ເປັນທີເຂົ້າໃຈກັນວ່າ ອາເລຮານໂດຣ ການາໂຊ ຖືກທາງ ເອຣິກ ເທນ ຮາກ ຄ່ອຍໆມອບໂອກາດລົງສະໜາມຢ່າງເຫມາະສົມ ແລະ ມີບົດບາດຫລາຍຂຶ້ນໃນທີມຊຸດໃຫຍ່ ໂດຍສະເພາະພຣີເມຍລີກ ທີ່ຜົນງານຖືວ່າໜ້າປະທັບໃຈ ເມື່ອຍິງໄປ 2 ປະຕູ ກັບອີກ 2 ແອສຊິສ ຈາກໂອກາດລົງຫລິ້ນ 15 ນັດ.

ຫລ້າສຸດ ອາເລຮານໂດຣ ການາໂຊ ເປີດໃຈຫລັງຕໍ່ສັນຍາຄັ້ງນີ້ວ່າ : “ ເມື່ອຕອນທີ່ຂ້ອຍຍ້າຍມາຢູ່ສະໂມສອນແຫ່ງນີ້ ຂ້ອຍວາດຝັນເຖິງການປະເດີມສະໜາມ ການລົງຫລິ້ນທີ່ໂອນ ແທຣ໊ຟຟອດ ຕໍ່ໜ້າແຟນບານ ການຍິງປະຕູ ແລະ ການຄວ້າແຊ໊ມຮ່ວມກັບທີມ ຂ້ອຍຮູ້ສຶກພາກພູມໃຈຫລາຍທີ່ໄດ້ມີໂອກາດໄດ້ສຳຜັດໄລຍະເວລາເຫລ່ົານັ້ນໄປແລ້ວ ຮ່ວມກັບຄອບຄົວທີ່ຄອຍສະໜັບສະໜູນຂ້ອຍໃນທຸກໆກ້າວ ຂ້ອຍຮູ້ສຶກພິເສດຫລາຍທີ່ໄດ້ເດີນໃນເສັ້ນທາງນີ້ກັບສະໂມສອນແຫ່ງນີ້ ໂດຍມີຜູ້ຈັດການທີມຫລືທີມງານຊ່ວຍສະໜັບສະໜູນໃຫ້ຂ້ອຍພັດທະນາຂຶ້ນໃນທຸກໆດ້ານ ດ້ວຍແຮງສະໜັບສະໜູນນີ້ເຮັດໃຫ້ຂ້ອຍຕ້ອງພັດທະນາຕົວເອງເພື່ອຊ່ວຍໃຫ້ມີປະສົບຄວາມສຳເລັດ ຂໍບອກວ່າຕອນນີ້ ຂ້ອຍຕື່ນເຕັ້ນກັບອະນາຄົດທີ່ຖ້າຢູ່ຂ້າງໜ້າ ແລະ ອົດໃຈບໍ່ໄຫວທີ່ຈະສ້າງໄລຍະເວລາ ”.