ຟີລິບປິນພັດທະນາສາຍພັນເຂົ້າ “ທົນທານຕໍ່ສະພາບອາກາດ”
ທີມຜູ້ຊ່ຽວຊານໃນຟີລິບປິນກໍາລັງທົດລອງເຂົ້າຊະນິດໃໝ່ ເຊິ່ງເປັນການພັດທະນາເອງ ເພື່ອໃຫ້ສາມາດ “ທົນທານຕໍ່ສະພາບອາກາດທີ່ປ່ຽນແປງ”.
ວັນທີ 23 ເມສາ, ສໍານັກຂ່າວຕ່າງປະເທດລາຍງານວ່າ: ຄະນະນັກວິໄຈຈາກສະຖາບັນວິໄຈເຂົ້າແຫ່ງຊາດຂອງຟີລິບປິນລາຍງານກ່ຽວກັບ ຄວາມຄືບໜ້າຂອງການສຶກສາໃນການພັດທະນາເຂົ້າ ເຊິ່ງມີຄຸນສົມບັດ “ທົນທານຕໍ່ສະພາບອາກາດ” ແລະ “ສາມາດປັບຕົວຕໍ່ສະພາບອາກາດ” ທັງໄພແຫ້ງແລ້ງ, ນໍ້າຖ້ວມ ແລະ ລະດັບນໍ້າທະເລເຊິ່ງເພີ່ມສູງຂຶ້ນ.
ທັງນີ້, ທີມຜູ້ຊ່ຽວຊານກໍາລັງທົດລອງການປູກເຂົ້າສາຍພັນດັ່ງກ່າວທີ່ຍັງຢູ່ລະຫວ່າງການທົດລອງໃນເນື້ອທີ່ນາສາທິດທີ່ມີການປ່ອຍໃຫ້ນໍ້າຖ້ວມ ຕາມພື້ນທີ່ຫລາຍແຫ່ງຂອງຟີລິບປິນ ເພື່ອການວິເຄາະຂໍ້ມູນຈາກສະພາບດິນທີ່ແຕກຕ່າງກັນ ແລະ ມີການທົດລອງປູກໃນອິນເດຍ ແລະ ເນປານ.
ເບື້ອງຕົ້ນ ຄະນະຜູ້ຊ່ຽວຊານກ່າວວ່າ: ເຂົ້າສາຍພັນນີ້ສາມາດລອດຊີວິດທ່າມກາງສະພາບແວດລ້ອມນໍ້າຖ້ວມໄດ້ດົວກວ່າເຂົ້າສາຍພັນປົກກະຕິປະມານ 2 ອາທິດ. ນອກຈາກນັ້ນ ທີມງານກໍາລັງສຶກສາຄົ້ນຄວ້າ ແລະ ພັດທະນາສາຍພັນເຂົ້າທີ່ສາມາດມີຊີວິດລອດຢູ່ໃນສະພາບນາເກືອນໍາອີກ.
