ເຈົ້າຄອງ ນວ ຊີ້ນຳໃຫ້ພະແນກການເງິນ ນວ ສືບຕໍ່ປະຕິບັດວຽກງານຕົວຈິງຢ່າງຮອບດ້ານຫັນສູ່ທັນສະໄໝສະດວກ, ວ່ອງໄວ ແລະ ໂປ່ງໃສ

ໃນໂອກາດເຂົ້າຮ່ວມກອງປະຊຸມສະຫລຸບວຽກງານການເງິນ ໄລຍະ 3 ເດືອນ (ງວດ 1) ທິດທາງແຜນການ ປະຈໍາງວດ 2 ປີ 2023 ແລະ ຍ້ອງຍໍຜົນງານ 5 ປີ (2016-2020) ຂອງພະແນກການເງິນ ນະຄອນຫລວງວຽງຈັນ (ນວ) ໃນວັນທີ 12 ເມສາ 2023ນີ້,

ທ່ານ ອາດສະພັງທອງ ສີພັນດອນ ເຈົ້າຄອງ ນວ ມີຄໍາເຫັນຊີ້ນໍາໃຫ້ ພະນັກງານການນຳຫລັກແຫລ່ງ-ລັດຖະກອນ ທົ່ວຂະແໜງການເງິນ ນວ ໄດ້ນໍາເອົາເນີ້ຶອໃນມະຕິກອງປະຊູມໄປສືບຕໍ່ຈັດຕັ້ງປະຕິບັດ ແລະ ຜັນຂະຫຍາຍ ເຂົ້າສູ່ໜ້າທີ່ວຽກງານຕົວຈິງຢ່າງມີຈຸດສຸມ, ເພື່ອພັດທະນາຂະແໜງການເງິນຢ່າງຮອບດ້ານ ແລະ ໃຫ້ຫັນໄປສູ່ທັນສະໄໝ ມີຄວາມສະດວກ, ວ່ອງໄວ ແລະ ໂປ່ງໃສ, ເພື່ອເຮັດໃຫ້ການເກັບລາຍຮັບໄດ້ຢ່າງຄົບຖ້ວນ, ຖືກຕ້ອງ ແລະ ສອດຄ່ອງ ຕາມກົດໝາຍ ແລະ ລະບຽບການຫລຸດບັນຫາປະກົດການຫຍໍ້ທໍ້ ໃນຂະແໜງການເງິນໃຫ້ໝົດໄປເທື່ອລະກ້າວ.