IMF ຄາດຄະເນການຂະຫຍາຍໂຕເສດຖະກິດ ໂລກ ປີ 2023 ບໍ່ເກີນ 2,8%

ຂ່າວຕ່າງປະເທດລາຍງານວ່າ: ກອງທຶນເງິນຕາສາກົນ (IMF) ໄດ້ເປີດເຜີຍບົດລາຍງານການຄາດຄະເນການຂະຫຍາຍຕົວຂອງໂຕເລກລວມຍອດຜະລິດຕະພັນພາຍໃນປະເທດ (GDP) ຂອງໂລກໃນປີນີ້ຢູ່ທີ່ 2,8% ແລະ 3% ໃນປີ 2024.

ທັງນີ້, IMF ໃຫ້ເຫດຜົນບວກກັບການປັບຫຼຸດທ່າອ່ຽງການຂະຫຍາຍຕົວຂອງເສດຖະກິດໃນປີນີ້ ແລະ ປີ 2024 ວ່າເປັນຜົນມາຈາກສະຖານະການທາງດ້ານເສດຖະກິດຂອງປະເທດຂະໜາດໃຫຍ່ຫຼາຍແຫ່ງທີ່ຂະຫຍາຍຕົວຊ້າບໍ່ວ່າຈະເປັນຍີ່ປຸ່ນ, ເຢຍລະມັນ, ອິນເດຍ ແລະ ເບຣຊິນ ສວນທາງກັບເສດຖະກິດຂອງອາເມຣິກາທີ່ມີທ່າອ່ຽງດີຂຶ້ນ ແລະ ການທີ່ເສດຖະກິດຂອງອັງກິດມີທ່າອ່ຽງຫຼຸດລົງ.

ເຖິງຢ່າງໃດກໍຕາມ, IMF ໄດ້ຄາດຄະເນວ່າ ທະນາຄານກາງຂອງເກືອບທຸກປະເທດໃນໂລກຈະຍັງຄົງໃຊ້ມາດຕະການຄວບຄຸມທາງການເງິນທີ່ເຂັ້ມງວດ ແລະ ຮັດກຸມ ເພື່ອຕອບສະໜອງຕໍ່ພາວະເງິນເຟີ້ທີ່ຍັງຄົງຢູ່ໃນລະດັບສູງທ່າມກາງສະຖານະການວິກິດການໂລກໃນປັດຈຸບັນທີ່ຍັງຄົງແກ່ຍາວເວລາ.

ນອກຈາກນີ້, IMF ຍັງໄດ້ສັງເກດການເກີດຄວາມສ່ຽງຈາກຜົນກະທົບຕໍ່ເນື່ອງຂອງການປ່ຽນແປງທີ່ມາຈາກບັນຫາແຜ່ລາມໃນລະບົບທະນາຄານອາເມຣິກາ ແລະ ການທີ່ລັດຖະບານສະວິດບັງຄັບໃຫ້ເກີດການຄວບຄຸມກິດຈະກຳລະຫວ່າງທະນາຄານໃຫຍ່ອັນດັບທີ 1 ແລະ 2 ຂອງປະເທດເພື່ອຮັກສາສະພາບຄ່ອງໃຫ້ກັບເຄຣດິດສະວິດຕໍ່ໄປ.