ປີ 2023 ນີ້ ສປ ຈີນ ຄາດວ່າຈະມີນັກທ່ອງທ່ຽວ ບັນລຸເຖິງ 4,55 ຕື້ເທື່ອຄົນ ເມື່ອທຽບໃສ່ປີຜ່ານມາ
ວິທະຍຸສາກົນແຫ່ງ ສປ ຈີນ ລາຍງານວ່າ:ຕົວເລກສະຖິຕິ ຈາກສູນຂໍ້ມູນ ກະຊວງວັດທະນະທຳ ແລະ ທ່ອງທ່ຽວ ຂອງ ສປ ຈີນ ໃຫ້ຮູ້ວ່າ: ໃນປີ 2023 ຄາດວ່າຈະມີນັກທ່ອງທ່ຽວ ພາຍໃນປະເທດ ຂອງ ສປ ຈີນ ຈະບັນລຸເຖິງ 4,55 ຕື້ເທື່ອຄົນ, ເພີ່ມຂຶ້ນປະມານ 80% ແລະ ຈະສ້າງລາຍຮັບປະມານ 4.000 ຕື້ຢວນ ເພີ່ມຂຶ້ນ 95% ເມື່ອທຽບໃສ່ ປີກາຍ. ຄຽງຄູ່ກັບ ອາກາດຄ່ອຍໆ ອົບອຸ່ນຂຶ້ນ ,ການອອກໄປ ທ່ອງທ່ຽວ ໄດ້ກາຍເປັນທາງເລືອກຂອງຄົນ ຈຳນວນຫລວງຫລາຍ ເຮັດໃຫ້ຕະຫລາດການທ່ອງທ່ຽວນັບມື້ ນັບຄຶກຄັກຟົດຟື້ນ. ຕົວເລກ ຈາກບໍລິສັດ ທ່ອງທ່ຽວ ທາງອອນລາຍມີທ່າອ່ຽງ ເພີ່ມສູງຂຶ້ນໂດຍສະເພາະແຫລ່ງທ່ອງທ່ຽວ ທີ່ໄດ້ຮັບ ຄວາມນິຍົມຊົມຊອບ ເຊັ່ນ: ພະລາຊະວັງ ກູ້ກົ່ງ, ສວນສາທາລະນະ ຫໍໄຫວ້ ຟ້າທ່ຽນຖານ ເປັນຕົ້ນ ມີນັກທ່ອງທ່ຽວ ໄປທ່ຽວຊົມ ຢ່າງຄັບຄາ ໜາແໜ້ນ. ນັບແຕ່ວັນທີ 6 ເມສານີ້ ເປັນຕົ້ນມາ, ຜູ້ຈອງປີ້ ໄປທ່ຽວແຫລ່ງທ່ອງທ່ຽວແຫ່ງຕ່າງໆ ຢູ່ປັກກິ່ງໄດ້ເພີ່ມຂຶ້ນເກືອບ 30% ເມື່ອທຽບໃສ່ ໄລຍະດຽວກັນຂອງເດືອນຜ່ານມາ, ຂະນະທີ່ ໂຮງແຮມ ຮັບການສັ່ງ ຈອງເພີ່ມຂຶ້ນ ຫລາຍກວ່າ 30%.
