ຄະນະກຳມະການຕັດສິນ ຢືນຢັນຈະສອບສວນກໍລະນີ ໂຣເບີດສັນ-ກຳມະການເສັ້ນ

ຄະນະກຳມະການຜູ້ຕັດສິນບານເຕະອາຊີບອັງກິດ ບອກວ່າຈະສອບສວນບັນຫາລະຫວ່າງ ແອນດຣູ ໂຣເບີດສັນ ດາວເຕະຂອງລີເວີພູລ ກັບ ຄອນສະແຕນຕິນ ຮັດຊິດາຄິດ ເຊິ່ງເປັນຜູ້ຕັດສິນກຳກັບເສັ້ນໃນເກມທີ່ ລີເວີພູລ ສະເຫມີກັບ ອາເຊນອລ ແນ່ນອນ ຫລັງເກີດຈັງຫວະມີເລື່ອງກັນຕອນຈົບເຄິ່ງເວລາທຳອິດໄປແລ້ວ.

ຫລັງຈາກທີ່ເກມດັ່ງກ່າວໄດ້ຈົບເຄິ່ງເວລາທຳອິດໄປແລ້ວ ໂຣເບີດສັນ ກໍມີຈັງຫວະທີ່ເຂົ້າໄປເວົ້າບາງຢ່າງກັບ ຮັດຊິດາຄິສ ກ່ອນທີ່ອີກຝ່າຍຈະຊັກສອກໃສ່ຈົນໄປຖືກຄາງຂອງດາວເຕະຊາວສະກັອດແລນເຕັມໆ ເຊິ່ງມັນເຮັດໃຫ້ຫລາຍຄົນຕຳນິ ຮັດຊິດາຄິສ ຢ່າງຫນັກ ແຕ່ບາງຄົນເບິ່ງວ່າ ໂຣເບີດສັນ ອາດຈະໄປຖືກຕົວຜູ້ຕັດສິນກ່ອນ.

ຖະແຫລງການຂອງ ຄະນະກຳມະການຕັດສິນໄດ້ ເປີດເຜີຍວ່າ : “ ພວກເຮົາຮັບຊາດເຖິງເຫດການດັ່ງກ່າວເປັນຢ່າງດີ ເຮົາຈະສອບສວນເລື່ອງນີ້ເມື່ອເກມມັນຈົບລົງແລ້ວ ”.