ການາດາ ກຳລັງຮັບມືກັບພາຍຸຫິມະພັດເຂົ້າຢ່າງຮຸນແຮງ ປະຊາຊົນບໍ່ມີໄຟຟ້າໃຊ້ຫລາຍກວ່າ 1 ລ້ານຄົນ
April 7, 2023 - 1:06 PM
ສຳນັກຂ່າວ mcot ລາຍງານວ່າ: ວັນທີ 7 ເມສາ 2023 ນີ້, ພາຍຸຫິມະພັດເຂົ້າ ຮຸນແຮງທາງພາກຕາເວັນອອກຂອງການາດາ ເຮັດໃຫ້ມີ ຜູ້ເສຍຊີວິດ 2 ຄົນ ແລະ ປະຊາຊົນບໍ່ມີໄຟຟ້າໃຊ້ ຫລາຍກວ່າ 1 ລ້ານຄົນ ເນື່ອງຈາກຫິມະເກາະສະສົມຕາມງ່າໄມ້ ຈົນຫັກ ແລະ ພາດສາຍໄຟຟ້າຂາດຫລາຍຈຸດ ໂດຍສະເພາະ ໃນລັດ ຄີວເບກ ແລະ ລັດ ອອນເທຣີໂອ ທີ່ມີປະຊາກອນຫລາຍທີ່ສຸດ ໃນປະເທດ ໄດ້ຮັບຜົນກະທົບຢ່າງໜັກ. ປັດຈຸບັນ ເຈົ້າໜ້າທີ່ກ່ຽວຂ້ອງ ເຕືອນໃຫ້ປະຊາຊົນ ໃຫ້ລະມັດລະວັງ ຫລີກລ່ຽງໃນພື້ນທີ່ມີສາຍໄຟຟ້າ ແລະ ການເດີນທາງໃນປ່າ ເພາະອາດເປັນອັນຕະລາຍຈາກພາຍຸ ດັ່ງກ່າວ.
