ເບລລິງແຮມ ຕິດໃນ 10 ອັນດັບ ນັກເຕະທີ່ມີຄ່າຕົວທະລຸ 100 ລ້ານລະດູການນີ້
April 5, 2023 - 8:35 PM
10 ອັນດັບນັກເຕະຊື່ດັງທີ່ມີຄ່າຕົວປະເມີນທະລຸ 100 ລ້ານຢູໂຣ ໃນລະດູການນີ້ ໂດຍທີ່ ຈູດ ເບລລິງແຮມ ກອງກາງດາວຮຸ່ງທີມຊາດອັງກິດຂຶ້ນມາເປັນຮອງພຽງ ຄີລຽນ ເອັມບັບເປ ແລະ ເອີລິງ ເບຣົາ ຮາແລນ ເທົ່ານັ້ນ.
ຈູດ ເບລລິງແຮມ ກອງກາງທີມຊາດອັງກິດຂອງ ໂບຣຸສເຊຍ ດອດມຸນ ໄດ້ຮັບການປະເມີນຈາກເວັບໄຊ ທຣານສະເຟີມາເກັດ ໃຫ້ກາຍເປັນນັກເຕະທີ່ມີຄ່າຕົວປະເມີນແພງທີ່ສຸດໃນໂລກເປັນອັນດັບ 3 ຮຽບຮ້ອຍແລ້ວ ໂດຍມີຄ່າຕົວພຸ່ງສູງເຖິງ 120 ລ້ານຢູໂຣ.
ຂະນະທີ່ ຄີລຽນ ເອັມບັບເປ ກອງໜ້າຈາກ ປາຣີສ ແຊັງ ແຊັກແມັງ ຍັງຄົງຖືກຍົກໃຫ້ເປັນນັກເຕະທີ່ມີຄ່າຕົວແພງທີ່ສຸດໃນໂລກທີ່ລາຄາ 180 ລ້ານປອນ.
ສ່ວນ ເອີລິງ ຮາແລນ ດາວຍິງ ແມນເຊສເຕີ ຊິຕີ້ ຕາມມາເປັນອັນດັບສອງ ໂດຍມີຄ່າຕົວປະເມີນຢູ່ທີ່ 170 ລ້ານຢູໂຣ.
10 ອັນດັບນັກເຕະຄ່າຕົວປະເມີນທະລຸ 100 ລ້ານຢູໂຣ ມີດັ່ງນີ້ :
- ຄີລຽນ ເອັມບັບເປ : 180 ລ້ານຢູໂຣ.
- ເອີລິງ ເບຣົາ ຮາແລນ : 170 ລ້ານຢູໂຣ.
- ຈູດ ເບລລິງແຮມ : 120 ລ້ານຢູໂຣ.
- ວິນິຊີອຸສ ຈູເນຍ : 120 ລ້ານຢູໂຣ.
- ຈາມາລ ມູເຊຍລ່າ : 110 ລ້ານຢູໂຣ.
- ບູຄາໂຢ ຊາກ້າ : 110 ລ້ານຢູໂຣ.
- ຟິລໂຟເດັນ : 110 ລ້ານຢູໂຣ.
- ເຟເດຣິໂກ ວັລເວເດ້ : 100 ລ້ານຢູໂຣ.
- ເປດຣີ : 100 ລ້ານຢູໂຣ.
- ວິເຕີ ໂອຊິມເຮນ : 100 ລ້ານຢູໂຣ.
