ກົມການອາຫານ ແລະ ຢາໄທ ເຕືອນ ເລີຣົດ ເສັ້ນເຝີເຮືອເຄິ່ງສຳເລັດຮູບ ພົບຈຸລິນຊີເກີນມາດຕະຖານ ເຮັດໃຫ້ມີອາການປວດຮາກຖອກທ້ອງ

ສຳນັກຂ່າວສົດໄທ ລາຍງານວ່າ: ວັນທີ 5 ເມສາ 2023 ນີ້, ສຳນັກງານຄະນະກົມການອາຫານ ແລະ ຢາ ອອກປະກາດຜົນການກວດພິສູດອາຫານ ຜະລິດຕະພັນ ເລີຣົດ ເສັ້ນເຝີເຮືອເຄິ່ງສຳເລັດຮູບ ເສັ້ນນ້ອຍ ພົບຈຸລິນຊີທີ່ເຮັດໃຫ້ເກີດເຊື້ອພະຍາດ ບາຊິວລັສ ຊິເຣຍ ເທ່ົາກັບ 6,600 CFU/ກຣາມ ໂດຍປົກກະຕິ ຈຸລິນຊີດັ່ງກ່າວຈະຢູ່ໃນຜະລິດຕະພັນບໍ່ເກີນ 1,000 CFU/ກຣາມ ຈຶ່ງຈັດເປັນອາຫານຜິດມາດຕະຖານ.

ເຊິ່ງເຊື້ອ ບາຊິວລັສ ຊິເຣຍ ເປັນເຊື້ອແບັດທີເຣຍ ເຮັດໃຫ້ເກີດອາຫານເປັນພິດມີ 2 ລັກສະນະຄື:ເຮັດໃຫ້ປວດຮາກ ແລະ ຖອກທ້ອງ, ອາການປວດຮາກ ມັກສະແດງອາການຫລັງຈາກກິນອາຫານທີ່ມີສານພິດເຂົ້າໄປປະມານ 30 ນາທີ-6 ຊົ່ວໂມງ ແລະ ຕໍ່ມາຈະຖ່າຍເປັນນ້ຳ ເຕືອນໃຫ້ຜູ້ບໍລິໂພກລະມັດລະວັງຢ່າຊື້ຜະລິດະພັນດັ່ງກ່າວ.