ກະຊວງການເງິນ ປະກາດແຕ່ງຕັ້ງພະນັກງານປະຈຳການ ຢູ່ດ່ານພາສີທ່າບົກ-ທ່ານາແລ້ງ ແລະ ຂົວມິດຕະພາບ 1

ວັນທີ 3 ເມສາ 2023 ຜ່ານມາ, ກະຊວງການເງິນປະກາດແຕ່ງຕັ້ງພະນັກງານປະຈຳການ ຢູ່ດ່ານພາສີທ່າບົກ-ທ່ານາແລ້ງ ແລະ ຂົວມິດຕະພາບ 1, ໂດຍການເປັນປະທານຂອງ ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ, ມີທ່ານ ກົງຄຳ ສິດທິວໍຣະດາ ຫົວໜ້າກົມຈັດຕັ້ງ-ພະນັກງານ.

ອີງຕາມຂໍ້ຕົກລົງຊົ່ວຄາວ, ຂອງກະຊວງການເງິນ ສະບັບເລກທີ 0755/ກງ, ລົງວັນທີ 16 ມີນາ 2023, ວ່າດ້ວຍການແຕ່ງຕັ້ງພະນັກງານປະຈຳການ ຢູ່ດ່ານພາສີທ່າບົກ-ທ່ານາແລ້ງ ແລະ ຂົວມິດຕະພາາບ 1, ເພື່ອປະຕິບັດໃຫ້ສອດຄ່ອງຕາມແຈ້ງການຂອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 1218/ຫສນຍ, ລົງວັນທີ 23 ສິງຫາ 2022 ແລະ ເພື່ອເປັນການປັບປຸງກົງຈັກການຈັດຕັ້ງໃຫ້ມີຄວາມກະທັດຮັດ, ຮັບປະກັນການຈັດຕັ້ງປະຕິບັດວຽກງານໃຫ້ມີຄວາມໂລ່ງລ່ຽນ, ການບໍລິການ ມີຄວາມວ່ອງໄວຂຶ້ນກວ່າເກົ່າ.

ຕົກລົງແຕ່ງຕັ້ງພະນັກງານປະຈຳການຢູ່ດ່ານພາສີທ່າບົກ-ທ່ານາແລ້ງ ແລະ ຂົວມິດຕະພາບ 1 ມີລາຍຊື່ດັ່ງນີ້:

– ແຕ່ງຕັ້ງ ທ່ານ ສຸກສະຫວັນ ບົວພາ ຫົວໜ້າດ່ານພາສີສາກົນຂົວມິດຕະພາບ 1 ເປັນຫົວໜ້າດ່ານພາສີທ່າບົກ-ທ່ານາແລ້ງ ແລະ ຂົວມິດຕະພາບ 1 (ປະຈຳການຢູ່ທ່າບົກ-ທ່ານາແລ້ງ)

– ແຕ່ງຕັ້ງ ທ່ານ ຄຳເພັດ ສີລາວົງ ຮອງຫົວໜ້າດ່ານພາສີສາກົນຂົວມິດຕະພາບ1 ເປັນຮອງຫົວໜ້າດ່ານທ່າບົກ-ທ່ານາແລ້ງ ແລະ ຂົວມິດຕະພາບ 1 (ປະຈຳການຂົວມິດຕະພາບ 1)

– ແຕ່ງຕັ້ງ ທ່ານ ນາງ ສີຈະເລີນ ພັນດານຸວົງ ຮອງຫົວໜ້າດ່ານພາສີສາກົນຂົວມິດຕະພາບ 1 ເປັນຮອງຫົວໜ້າດ່ານທ່າບົກ-ທ່ານນາແລ້ງ ແລະ ຂົວມິດຕະພາບ 1 (ປະຈຳການຢູ່ຂົວມິດຕະພາບ 1)

– ແຕ່ງຕັ້ງ ທ່ານ ນາງ ທິບມະນີ ແກ້ວບຸນພັນ ຮອງຫົວໜ້າດ່ານພາສີສາກົນຂົວມິດຕະພາບ 1 ເປັນຮອງຫົວໜ້າດ່ານທ່າບົກ-ທ່ານາແລ້ງ ແລະ ຂົວມິດຕະພາບ 1 (ປະຈຳການຂົວມິດຕະພາບ 1)

– ແຕ່ງຕັ້ງ ທ່ານ ຖະໜອມສິດ ຂາວພິບານ ຫົວໜ້າຫ້ອງການພາສີປະຈຳທ່າບົກ-ທ່ານາແລ້ງ ເປັນຮອງຫົວໜ້າດ່ານພາສີທ່າບົກ-ທ່ານາແລ້ງ ແລະ ຂົວມິດຕະພາບ 1 (ປະຈຳການຢູ່ທ່າບົກ-ທ່ານາແລ້ງ)

– ແຕ່ງຕັ້ງ ທ່ານ ສົມບູນ ພົມມະຈັນ ຮອງຫົວໜ້າຫ້ອງການພາສີປະຈຳທ່າບົກ-ທ່ານາແລ້ງ ແລະ ຂົວມິດຕະພາບ 1 ( ປະຈຳການຢູ່ທ່າບົກ-ທ່ານາແລ້ງ)

– ແຕ່ງຕັ້ງ ທ່ານ ສົມໃຈ ໄຊຍະວົງ ຮອງຫົວໜ້າຫ້ອງການພາສີປະຈຳທ່າບົກ-ທ່ານາແລ້ງ ແລະ ຂົວມິດຕະພາບ 1 (ປະຈຳການຢູ່ທ່າບົກ-ທ່ານາແລ້ງ)

• ແຕ່ງຕັ້ງ ທ່ານ ພອນປະເສີດ ນະລືໂຄດ ຮອງຫົວໜ້າຫ້ອງການພາສີທ່າບົກ-ທ່ານາແລ້ງ ເປັນຮອງຫົວໜ້າດ່ານພາສີທ່າບົກ-ທ່ານາແລ້ງ ແລະ ຂົວມິດຕະພາບ 1 (ປະຈຳການຢູ່ທ່າບົກ-ທ່ານາແລ້ງ).