ສັນຍາບໍ່ຄືບໜ້າ! ເຊວຊີ ຕັ້ງຄ່າໂຕ ເມົ້າ ຫລັງ ລິເວີພູລ-ບາເຍີນ ສົນໃຈ

ສິງໂຕນ້ຳເງິນຄາມ ຕັ້ງລາຄາຄ່າໂຕໃຫ້ກອງກາງຂອງທີມຊາດອັງກິດ ຫລັງຈາກທີ່ໄດ້ຮັບຄວາມສົນໃຈຈາກທີມໃຫຍ່, ເຊິ່ງພວກເຂົາຍັງບໍ່ສາມາດຕົກລົງເລື່ອງສັນຍາສະບັບໃຫມ່ໄດ້.

ເຊວຊີ ໄດ້ຄ່າໂຕ ເມສັນ ເມົ້າ ຢູ່ທີ່ປະມານ 70 ລ້ານປອນ ທ່າມກາງຄວາມສົນໃຈຈາກທັງ ລິເວີພູລ ແລະ ບາເຍີນ ມີວນິກ ອີງຕາມການລາຍງານຂອງ Athletic.

ດາວເຕະທີມຊາດອັງກິດ ຈົດປາກກາເຊັນສັນຍາຫລ້າສຸດກັບ ເຊວຊີ ໃນ 2019, ເຊິ່ງເຂົາໄດ້ຮັບຄ່າຈ້າງບໍ່ເກີນ £ 100,000 ຕໍ່ອາທິດ. ເຮັດໃຫ້ລາວເປັນໜຶ່ງໃນຜູ້ຫລິ້ນທີມຊາດອັງກິດທີ່ມີຄ່າຈ້າງຕໍ່າທີ່ສຸດ ແລະ ອີກທັ້ງສັນຍາປະຈຸບັນຈະຫມົດອາຍຸລົງໃນລະດູຮ້ອນໜ້າ ໂດຍການເຈລະຈາຄັ້ງໃຫມ່ຍັງບໍ່ທັນໄດ້ສະຫລຸບງ່າຍ.

ຢ່າງໃດກໍ່ຕາມ ເຖິງວ່າຈະໄດ້ຮັບຄວາມສົນໃຈຈາກຫລາຍທີມແຕ່ ເມົ້າ ຕ້ອງການທີ່ຈະຢູ່ກັບທີມຕໍ່ໄປ ແຕ່ຕ້ອງເປັນເງື່ອນໄຂການຕໍ່ສັນຍາສະບັບໃໝ່ຢ່າງເໝາະສົມ. ລວມທັງມີລາຍງານວ່າ ໂທມັສ ທູເຄິນ ຕ້ອງການໄດ້ໂຕໄປຮ່ວມວຽກກັນຢູ່ທີ່ ບາເຍີນ ມີວນິກ.