ເຟີກູສັນ-ເວນເກີ ໄດ້ຮັບເຊີນເຂົ້າສູ່ຫໍກຽດຕິຍົດພຣີເມຍລີກ

ເຊີອາເລັກ ເຟີກູສັນ ແລະ ອາແຊນ ເວນເກີ ອະດີດຜູ້ຈັດການທີມ ແມນເຊສເຕີ ຢູໄນເຕັດ ແລະ ອາເຊນອລ ໄດ້ຮັບການເຊີນໃຫ້ເຂົ້າສູ່ຫໍກຽດຕິຍົດຂອງພຣີເມຍລີກ ຫລື  Hall of flame ພຣີເມຍລີກ ເປັນທີ່ຮຽບຮ້ອຍ.

ໂດຍອະດີດ 2 ຜູ້ຈັດການທີມລະດັບຕຳນານດັ່ງກ່າວຕ່າງພາທີມປະສົບຄວາມສົບຄວາມສຳເລັດຢ່າງຫລາຍໃນພຣີເມຍລີກ ເລີ່ມຈາກ ເຟີກູສັນ ທີ່ພາ ແມນເຊສເຕີ ຢູໄນເຕັດ ຄວ້າແຊ໊ມໄດ້ຫລາຍທີ່ສຸດເຖິງ 13 ສະໄຫມລະຫວ່າງການຄຸມ ແມນຢູ ໃນປີ 1986-2013.

ຂະນະທີ່ ເວນເກີ ກໍພາ ອາເຊນອລ ຄວ້າແຊ໊ມໄດ້ 3 ສະໄຫມລະຫວ່າງການຄຸມ ອາເຊນອລ ໃນປີ 1996-2018 ແລະ ສ້າງປະຫວັດສາດດ້ວຍການເປັນແຊ໊ມບໍ່ເສຍຈັກນັດເລີຍໃນລະດູການ 2003-04 ເຊິ່ງປັດຈຸບັນຍັງບໍ່ມີທີມໃດ ສາມາດທຳລາຍສະຖິຕິໄດ້.

ຈາກຜົນງານທີ່ເກີດຂຶ້ນເຮັດໃຫ້ ເຊີອາເລັກ ແລະ ເວນເກີ ໄດ້ຮັບການເຊີນໃຫ້ເຂົ້າສູ່ຫໍກຽດຕິຍົດຂອງພຣີເມຍລີກ ຫລື Hall of flame ປະຈຳປີ 2023 ພ້ອມເປັນຜູ້ຈັດການ 2 ຄົນທຳອິດທີ່ໄດ້ເຂົ້າສູ່ຫໍກຽດຕິຍົດດັ່ງກ່າວນຳອີກ.