ການຍ້າຍຖິ່ນຖານຂອງປະຊາກອນຢູ່ ສ.ເກົາຫລີ ຫລຸດລົງ ຍ້ອນການຂະຫຍາຍຕົວຊ້າຂອງຕະຫລາດທີ່ຢູ່ອາໄສ.

ຂ່າວຕ່າງປະເທດລາຍງານ ສຳນັກງານສະຖິຕິຂອງ ສ.ເກົາຫລີ ໄດ້ເປີດເຜີຍວ່າ ການຍ້າຍຖິ່ນຖານຂອງປະຊາກອນ ສ.ເກົາຫລີ ຫລຸດລົງຕິດຕໍ່ກັນ ເນື່ອງຈາກພາວະການຂະຫຍາຍຕົວຊ້າຂອງຕະຫລາດທີ່ຢູ່ອາໄສ.

ສຳນັກງານສະຖິຕິຂອງ ສ.ເກົາຫຼີ ລະບຸວ່າ ຈຳນວນຜູ້ທີ່ຍ້າຍບ່ອນຢູ່ອາໄສໄປຍັງແຂວງ ຫລື ເມືອງອື່ນໆຢູ່ທີ່ 622.000 ຄົນ ໃນເດືອນກຸມພາ ຫລຸດລົງ 6,3% ຈາກເດືອນດຽວກັນຂອງປີ 2022 ໂດຍຫລຸດລົງຢ່າງຕໍ່ເນື່ອງນັບຕັ້ງແຕ່ເດືອນມັງກອນ 2021 ເຮັດໃຫ້ເດືອນກຸມພາ 2023 ເປັນເດືອນທີ່ມີຜູ້ຍ້າຍບ່ອນຢູ່ອາໄສຕ່ຳທີ່ສຸດໃນຮອບ 29 ປີ ນັບຕັ້ງແຕ່ປີ 1994. ອັດຕາການຍ້າຍຖິ່ນຖານຂອງປະຊາກອນ ຊຶ່ງວັດແທກຈາກຈຳນວນຜູ້ຍ້າຍຖິ່ນຖານໄປຍັງພາກພື້ນອື່ນຕໍ່ປະຊາກອນທຸກໆ 100 ຄົນ ຫລຸດລົງ 15,9% ໃນເດືອນກຸມພາ ຜ່ານມາ.

ການປັບຂຶ້ນອັດຕາດອກເບ້ຍຢ່າງວ່ອງໄວນຳໄປສູ່ພາວະຕົກຕ່ຳຂອງຕະຫລາດບ່ອນຢູ່ອາໄສ ຊຶ່ງສົ່ງຜົນໃຫ້ຈຳນວນຜູ້ຍ້າຍຖິ່ນຖານໄປຍັງບ່ອນຢູ່ອາໄສໃໝ່ໃນພາກພື້ນອື່ນໆຫລຸດລົງ. ຂະນະທີ່ຈຳນວນການເຮັດທຸລະກຳບ່ອນຢູ່ອາໄສທົ່ວປະເທດໃນໄລຍະ 2 ເດືອນຜ່ານມາຫຫລຸດລົງ 43% ເມື່ອທຽບກັບປີ 2022.