29 ທີມ ເມເຈີລີກ ຮ່ວມລົງຂັນດຶງ ລີໂອເນລ ເມສຊີ ໄປຫລິ້ນທີ່ສະຫະລັດ
ສື່ສະເປນເປີດເຜີຍວ່າ 29 ທີມໃນ ເມເຈີ ລີກ ໃນສະຫະລັດ ອາເມລິກາ ຈະຮ່ວມລົງຂັນໃນການດຶງຕົວ ລີໂອເນລ ເມສຊີ ກອງໜ້າທີມຊາດອາເຈນຕີນາ ມາຫລິ້ນໃນສະຫະລັດ ອາເມລິກາ.
ໂດຍ ເມສຊີ ເຫລືອສັນຍາກັບ ປາຣີສ ແຊັງ ແຊັກແມັງ ເຖິງຕະຫລາດລະດູການ 2023 ເທົ່ານັ້ນ ແລະ ຍັງບໍ່ຂະຫຍາຍອອກໄປທ່າມກາງຂ່າວວ່າມີຫລາຍທີມສົນໃຈຄວ້າຕົວລາວໄປເສີມທີມ ທັງ ບາເຊໂລນາ ຕົ້ນສັງກັດເກ່ົາ ຈາກ ລາ ລີກາ ສະເປນ ລວມເຖິງອິນເຕີ ໄມອາມີ ຈາກເມເຈີ ລີກ ສະຫະລັດ ອາເມລິກາ.
ແຕ່ກໍມີລາຍງານເພີ່ມຕື່ມວ່າ ອິນເຕີ ໄມອາມີ ບໍ່ສາມາດເຊັນສັນຍາກັບດາວເຕະໄວ 35 ປີລາຍນີ້ໄດ້ເນື່ອງຈາກເລື່ອງຄ່າເມື່ອຍທີ່ສູງເກີນໄປ ໂດຍຄາດວ່າຈະມີມູນຄ່າເຖິງ 900,000 ປອນ/ອາທິດ.
ຈົນຫລ້າສຸດ Sport ເປີດເຜີຍວ່າ ຈາກສະຖານະການດັ່ງກ່າວເຮັດໃຫ້ທັງ 29 ທີມ ໃນລີກສະຫະລັດ ອາເມລິກາ ກຽມຊ່ວຍກັນຈ່າຍຄ່າເມື່ອຂອງ ເມສຊີ ພ້ອມຈະໃຫ້ນັກເຕະເລືອກໄດ້ເອງວ່າຈະຫລິ້ນກັບສະໂມສອນໃດທັງໃນໄມອາມີ, ນີຢອກ, ລອສ ແອນເຈລິສ ແລະ ແອັດແລນຕາ ເປັນຕົ້ນ ເພື່ອການຊື້ໃຈໃຫ້ຜູ້ຫລິ້ນລາຍນີ້ຍ້າຍມາຫລິ້ນໃນສະຫະລັດ ອາເມລິກາ.
