ທີມຊາດໄທຕ້ານບໍ່ໄຫວເສຍໃຫ້ຊີເຣຍ 1-3 ເກມອຸ່ນເຄື່ອງຟີຟ່າເດ

ທີມຊາດໄທ ຄອງບານພັບສະໜາມບຸກແຕ່ກໍ່ເສຍໃຫ້ ຊີເຣຍ 1-3 ໃນນັດອຸ່ນເຄື່ອງ ຟີຟ່າເດ.

ໂດຍມາເຖິງນາທີທີ່ 26 ຈັງຫວະຂອງ ປະຕິວັດ ຄຳໄໝ ຜູ້ຮັກສາປະຕູທີມຊາດໄທ ຈ່າຍບານເສຍໃຫ້ ໂອມາ ອັນໂຊມາ ຫລຸດໄປຍິງເນັ້ນໆເຮັດໃຫ້ ຊີເຣຍ ຂຶ້ນນຳ ໄທ 1-0.

ແຕ່ໃນຊ່ວງຕໍ່ເວລາບາດເຈັບເຄິ່ງເວລາທຳອິດນາທີ 45+2 ສຸພານິດ ໂໝ່ງໃຫ້ທີມຊາດໄທ ໄລ່ຕາມຕີສະເໝີ ຊີເຣຍ ໃນເຄິ່ງເວລາທຳອິດ 1-1.

ຈາກນັ້ນ, ໃນເຄິ່ງເວລາທີ 2 ຊີເຣຍ ບວກໄດ້ເພີ່ມອີກ 2 ປະຕູຈາກ ໂອມາ ເຄເບີນ ໃນນາທີ 56 ແລະ ອີກຄັ້ງໃນນາທີ 85 ຈາກ ໂມຮາເໝັດ ອາລ-ຮາລລັກ ຫັກລ໋ອກຫລີກນັກເຕະໄທ ແລະ ຍີງສົ່ງໃຫ້ ຊີເຣຍ ຂຶ້ນນຳ ໄທ 3-1.