ທໍາລາຍສະແຕມ ຕິດຊອງຢາສູບ ຮູບແບບເກົ່າ 54.008.449 ດວງ
ວັນທີ 22 ມີນາ 2023 ຜ່ານມາ, ຄະນະກຳມະການຮັບຜິດຊອບການທຳລາຍສະແຕັມຕິດຊອງຢາສູບຮູບແບບເກົ່າຂອງບໍລິສັດ ຜະລິດຢາສູບໃນຂອບເຂດທົ່ວປະເທດປີ 2023 ຕາມຂໍ້ຕົກລົງ ສະບັບເລກທີ 0770/ກງ, ລົງວັນທີ 16 ມີນາ 2023, ທຳລາຍສະແຕັມຕິດຊອງຢາສູບຮູບແບບເກົ່າຈໍານວນ 54.008.449 ດວງ; ໃນນັ້ນ, ໄດ້ມາຈາກບໍລິສັດຢາສູບລາວ ຈໍາກັດຈໍານວນ 54 ລ້ານດວງ ແລະ ບໍລິສັດ ຢາສູບລາວສາກົນ ຈໍາກັດ 8.449 ດວງ ໂດຍມີ ທ່ານນາງ ຈັນທະລາ ຫລ່ຽມໄມຕຣີ ຫົວໜ້າພະແນກຈັດຕັ້ງ, ບໍລິຫານ ແລະ ການເງິນ ກົມສ່ວຍສາອາກອນ, ທັງເປັນຄະນະກຳມະການຮັບຜິດຊອບ ການທຳລາຍສະແຕມຕິດຊອງຢາສູບຮູບແບບເກົ່າ, ມີຄະນະກຳມະການຈາກຫ້ອງການກະຊວງ, ກົມສ່ວຍສາອາກອນ, ກົມຄຸ້ມຄອງຊັບສິນແຫ່ງລັດ, ກົມກວດ ກາກະຊວງການເງິນ ແລະ ຂະແໜງການກ່ຽວຂ້ອງ ເຂົ້າຮ່ວມ.
ສ່ວນສິດ ແລະ ໜ້າທີ່ຂອງ ຄະນະດັ່ງກ່າວ, ແມ່ນຮັບຜິດຊອບການຈັດຕັ້ງປະຕິບັດການທໍາລາຍສະແຕມອາກອນຕິດຊອງຢາສູບ ຮູບແບບເກົ່າຂອງ ບໍລິສັດຜະລິດຢາສູບໃນຂອບເຂດທົ່ວປະ ເທດ ປີ 2023, ຄົ້ນຄວ້າຕົ້ນທຶນການຜະລິດສະແຕມທີ່ຖືກທຳລາຍ ຂອງແຕ່ລະບໍລິສັດໃຫ້ມີຄວາມເປັນເອກະພາບໃນການຈັດຕັ້ງປະຕິບັດຕາມນິຕິກຳທີ່ໄດ້ກຳນົດໄວ້ ແລະ ນຳສະເໜີຄະນະນຳກະ ຊວງການເງິນພິຈາລະນາ, ກຳນົດເວລາໃນການເຄື່ອນໄຫວວຽກງານດັ່ງກ່າວ ນັບແຕ່ເດືອນມີນາ 2023, ພາຍໃນ 15 ວັນລັດຖະການໃຫ້ສໍາເລັດ ແລະ ພ້ອມທັງລາຍງານຜົນການກວດກາດັ່ງກ່າວຕໍ່ຄະນະນຳກະຊວງການເງິນ ແລະ ພ້ອມກັນຈັດຕັ້ງປະຕິບັດຢ່າງເຂັ້ມງວດ.
ທີ່ມາ:ກະຊວງການເງິນ
