ມີແວວທີມແຕກ, ເມສຊີ ຖືກແຟນບານ PSG ໂຫ່ ຫລັງຕົກຮອບແຊ໊ມປຽນລີກ
ລີໂອເນລ ເມສຊີ ດາວຍິງຄົນດັງຂອງອາເຈນຕີນາ ຂອງ ປາຣີສ ແຊັງ ແຊັກແມັງ ຖືກແຟນບານຂອງທີມຮ້ອງໂຫ່ກ່ອນເກມ ແລະ ຍ່າງເຂົ້າຫ້ອງແຕ່ງຕົວເປັນຄົນທຳອິດ ຫລັງເກມທີ່ເສຍໃຫ້ ແຣນ 0-2 ໃນເກມລີກນັດຫລ້າສຸດເມື່ອຄຳ່ຄືນມື້ວານນີ້.
ເປັນທີ່ເຂົ້າໃຈວ່າ ແຟນບານ ຂອງຍອດທີມໃນຖິ່ນ ປາກ ເດິ ແພຣັງ ບໍ່ຄ່ອຍພໍໃຈທີ່ທີມຕົກຮອບ 16 ທີມສຸດທ້າຍໃນການແຂ່ງຂັນ ຢູຟາ ແຊ໊ມປຽນ ລີກ 2022-23 ຫລັງເສຍໃຫ້ກັບ ບາເຢິນ ມິວນິກ ລວມຜົນສອງນັດດ້ວຍປະຕູ 3-0 ແລະ ການທີ່ທີມສ້າງຜົນງານເສຍຊ້ຳໃນນັດນີ້ອີກເຮັດໃຫ້ສະຖານະການຂອງທີມເຄັ່ງຕຶງຂຶ້ນໄປອີກລະດັບຫນຶ່ງ.
ຫລ້າສຸດ ມີວີດີໂອ ຈັງຫວະທີ່ ລີໂອເນລ ເມສຊີ ອາຍຸ 35 ປີ ຖືກແຟນບານໂຫ່ໃສ່ ໃນຕອນທີ່ໂຄສົກສະໜາມປະກາດລາຍຊື່ກ່ອນເກມກັບ ແຣນ ແລະ ຕອນຈົບເມທີ່ທີມເສຍໃນເກມນີ້ ລາວຮີບຍ່າງມຸ່ງໜ້າເຂົ້າຫ້ອງແຕ່ຕົວເປັນຄົນທຳອິດ ແລະ ຄົນດຽວໂດຍລຳພັງ ໃນຂະນະທີ່ຫມູ່ຮ່ວມທີມຄົນອື່ນໆຍ່າງໄປຂອບໃຈແຟນບານທີ່ຕາມມາໃຫ້ກຳລັງໃຈກັບຜົນລັບທີ່ໜ້າຜິດຫວັງ.
