๊U-18 ເສຍໃຫ້ ໄທ 1-2 ເຕະບານຊີງແຊ໊ມອາຊຽນ ທີ່ປະເທດມຽນມາ

ໃນວັນທີ 6 ກັນຍາຜ່ານ ນີ້ ການແຂ່ງຂັນບານເຕະເຍົາ ວະຊົນ ຮຸ່ນອາຍຸບໍ່ເກີນ 18 ຊີງ ແຊ໊ມອາຊຽນ 2017 ທີ່ສະ ໜາມວັນນາ ເມືອງຢ່າງກຸ້ງ ປະເທດມຽນມາ ເປັນເກມນັດ ທີ 2 ຂອງກຸ່ມ A ຄູ່ລະຫວ່າງ ທີມຊາດໄທ ຮອງແຊ໊ມເກົ່າ ພົບກັບ ທີມຊາດລາວ.
ເປີດສາກການແຂ່ງຂັນ ເວລາທຳອິດໄປໄດ້ພຽງ 10 ນາ ໄທ ມາໄດ້ຈຸດໂທດ ແລະ ເປັນ ຍຸດທະພິໄຊ ເລີດລ້ຳ ຍິງ ເຂົ້າປະຕູໄປ ເຮັດໃຫ້ ໄທ ຂຶ້ນ ນຳ 1-0. ອີກ 16 ນາທີຕໍ່ມາ ຜູ້ຮັກສາປະຕູຂອງລາວ ປັດ ລູກຟຣີຄິກອອກມາ ຍຸດທະພິ ໄຊ ຍື່ນຢູ່ໃກ້ໆຍິງຊ້ຳເຂົ້າປະຕູ ໄປ ເຮັດໃຫ້ ໄທ ໜີຫ່າງເປັນ 2-0 ແລະ ຈົບເຄິ່ງເວລາທຳ ອິດໄປດ້ວຍປະຕູນີ້.
ເຂົ້າສູ່ເຄິ່ງເວລາທີສອງ ກໍຍັງເປັນ ໄທ ທີ່ຍັງບຸກຕໍ່ເນື່ອງ ຈົນກະທັງມາຮອດໄລຍະຕໍ່ເວລານາທີ 90+4 ທີມຊາດ ລາວ ມາໄດ້ປະຕູຕີໄຂ່ແຕກ 1-2 ຈາກ ພຸດທະສິດ ພົມມະ ໃຈ ຈົບການແຂ່ງຂັນເປັນ ໄທ ທີ່ເອົາຊະນະ ທີມຊາດລາວ 2-1.
+ ສ່ວນຜົນແຂ່ງຂັນຄູ່ ອື່ນໆມີດ່ັງນີ້:
– ມາເລເຊຍ 3-1 ສິງ ກະໂປ.
– ກຳປູເຈຍ 1-1 ຕີມໍ ເລສເຕ.
+ ຕາຕະລາງການແຂ່ງ ຂັນມີດ່ັງນີ້:
– ວັນທີ 08 / 9 / 2017 ເວລາ 15:00 ລາວ ພົບ ສິງ ກະໂປ ແຂ່ງຂັນຢູ່ທີ່ສະຫນາມ Aung San Stadium.
– ວັນທີ 10 / 9 / 2017 ເວລາ 15:00 ຕີມໍ ເລສເຕ ພົບ ລາວ ແຂ່ງຂັນຢູ່ທີ່ສະຫນາມ Aung San Stadium.
– ວັນທີ 12 / 9 /2017 ເວລາ 15:00 ລາວ ພົບ ກຳປູ ເຈຍ ແຂ່ງຂັນຢູ່ທີ່່ສະຫນາມ Aung San Stadium.