ຮາແລນ ທຸບສະຖິຕິຢູຟາ ແຊ໊ມປຽນລີກ ດ້ວຍການຍິງຫລາຍເຖິງ 30 ປະຕູ
ເອີລິງ ເບຣົາ ຮາແລນ ທຸບສະຖິຕິຢູຟາ ແຊ໊ມປຽນ ລີກ ໄດ້ເຖິງ 2 ຢ່າງ ຫລັງຍິງຄົນດຽວ 5 ປະຕູ ຊ່ວຍ ແມນເຊສເຕີ ຊິຕີ ໄລ່ຖະຫລົ່ມໄລຊິກຢ່າງຂາດລອຍ.
ເອີລິງ ເບຣົາ ຮາແລນ ສູນໜ້າ ແມນເຊສເຕີ ຢູໄນເຕັດ ຊິຕີ ຈາກອັງກິດ ທຳລາຍສະຖິຕິຢູຟາ ແຊ໊ມປຽນ ລີກ ກາຍເປັນນັກເຕະທີ່ຍິງເຖິງຫລັກ 30 ປະຕູ ໃນຂັນນີ້ ດ້ວຍຈຳນວນນັດໜ້ອຍທີ່ສຸດ ແລະ ອາຍຸໜ້ອຍທີ່ສຸດ.
ຮາແລນ ຫາກໍລະເບີດຜົນງານເຫມົາຄົນດຽວ 5 ປະຕູ ຊ່ວຍໃຫ້ ແມນຊິຕີ ເປີດບ້ານຖະຫລົ່ມໄລຊິກ ຈາກ ເຢຍລະມັນ 7-0 ໃນແຊ໊ມປຽນ ລີກ ຮອບ 16 ທີມສຸດທ້າຍ ນັດທີ 2 14 ມີນາ ພ້ອມກັບທີ່ແມນຊິຕີ ເຂົ້າຮອບຜົນລວມ 8-1.
ເຮັດໃຫ້ຕອນນີ້ ຮາແລນ ມີຍອດລວມປະຕູໃນແຊ໊ມປຽນ ລີກ 33 ປະຕູ ຈາກການລົງຫລິ້ນໄປຫລິ້ນ 25 ນັດ ນັບລວມຫມົດທັງການຫລິ້ນໃຫ້ ເຣດບູລ ຊັລບວກ ທີມໃນອອສເຕຣຍ, ໂບຣຸສເຊຍ ດອດມຸນ ແຫ່ງເຢຍລະມັນ ແລະ ແມນຊິຕີ.
ຜົນງານຂອງ ຮາແລນ ນີ້ຈຶ່ງທຳລາຍສະຖິຕິຈຳນວນນັດຂອງ ຣຸດ ຟານ ນິສເຕີຣອຍ ອະດີດກອງໜ້າທີມຊາດເນເທີແລນ ເຊິ່ງເຄີິຍຍິງເຖິງຫລັກ 30 ປະຕູ ຫລັງຜ່ານໄປ 34 ນັດ.
ຂະນະດຽວກັນ ດ້ວຍອາຍຸ ປັດຈຸບັນອາຍຸພຽງ 22 ປີ 236 ວັນຂອງ ຮາແລນ ລາວຈຶ່ງທຳລາຍສະຖິຕິຂອງ ລີໂອເນລ ເມສຊີ ເຊິ່ງເຄີຍຍິງເຖິງຫລັກ 30 ປະຕູ ໃນໄວ 23 ປີ 131 ວັນ.
ນອກຈາກນີ້ ຮາແລນ ຍັງກາຍເປັນນັກເຕະຄົນທີ 15 ໃນປະຫວັດສາດຂອງລາຍການນີ້ ທີ່ສາມາດຍິງໄປໄດ້ 5 ປະຕູໃນເກມດຽວນຳອີກ.
