ຣຽວ ມາດຣິດ ລັອກເປົ້າຄວ້າ ຮາແລນ ຊ່ວຍຜະລິດປະຕູລະດູການນີ້

ສື່ລາຍງານວ່າ ຣຽວ ມາດຣິດ ຕັ້ງເປົ້າຄວ້າ ເອີລິງ ຮາແລນ ກອງໜ້າແມນເຊສເຕີ ຢູໄນເຕັດ ມາເສີມທີມໃນຕະຫລາດລະດູການນີ້.

ສຳລັບ ຣຽວ ມາດຣິດ ຕົກເປັນຂ່າວວ່າຕ້ອງການເຊັນສັນຍາກັບດາວຍິງຄົນໃຫມ່ມາເສີມທີມໃນຕະຫລາດໜ້າຮ້ອນເພື່ອເປັນຕົວແທນຂອງ ຄາຣິມ ເບນເຊມາ ນັກເຕະອາຍຸ 35 ປີທີ່ພວມຈະຫມົດສັນຍາຫລັງຈົບລະດູການນີ້.

ຈົນຫລ້າສຸດ The Independent ເປີດເຜີຍວ່າ ຣຽວ ມາດຣິດ ໄດ້ລັອກເປົາ້ ຮາແລນ ກອງໜ້າຜົນງານຮ້ອນຂອງ ແມນເຊສເຕີ ຊິຕີ ໄວ້ເປັນເປົ້າຫມາຍຫລັກ ຫລັງນັກເຕະສະແດງຜົນງານກັບ ແມນຊິຕີ ໄດ້ໜ້າປະທັບໃຈດ້ວຍການຍິງໄປເຖິງ 33 ປະຕູຈາກການລົງສະໜາມ 34 ນັດ ລວມທຸກລາຍການໃນລະດູການທຳອິດກັບຕົ້ນສັງກັດ.

ກ່ອນໜ້ານີ້ ຣາຟາເອລາ ປິເມນຕາ ໂຕແທນຂອງ ຮາແລນ ເປີດເຜີຍວ່າ ນັກເຕະໃນສັງກັດມີແຜນທີ່ຈະອຳລາ ແມນຊິຕີ ໃນອະນາຄົດເພື່ອຍ້າຍໄປຫລິ້ນໃຫ້ກັບ ຣຽວ ມາດຣິດ ເຊິ່ງເປັນສະໂມສອນໃນຝັນແຕ່ຍັງບໍ່ມີກົດນົດວ່າເປັນເມື່ອໃດ.

ນອກຈາກນັ້ນ ຮາແລນ ແລ້ວ ຣຽວ ມາດຣິດ ຍັງມີແຜນຄວ້າ ຈູດ ເບລລິງແຮມ ກອງກາງໂບຣຸສເຊຍ ດອດມຸນ ເຊິ່ງພວກເຂົາກໍຫມັ້ນໃຈວ່າຈະໄດ້ລາຍເຊັນດາວເຕະອາຍຸ 19 ປີລາຍນີ້ນຳອີກ ຫລັງພວກເຂົາໄດ້ພົບປະກັບຕົວແທນຂອງນັກເຕະແລ້ວຫລາຍຄັ້ງ ເຖິງຈະມີ ແມນຊິຕີ ແລະ ລີເວີພູລ ທີ່ຢາກໄດ້ກອງກາງທີມຊາດອັງກິດລາຍນີ້ເຊ່ັນດຽວກັນ.

ເຊິ່ງຄາດວ່າ ດອດມຸນ ຈະຕັ້ງຄ່າຕົວຂອງ ເບລລິງແຮມ ໄວ້ທີ່ 150 ລ້ານຢູໂຣ.